Nuus: Plaaslik

Oorwerkte DHS dokters teken protes teen personeel te kort aan

Posted in Tuis

GEMSBOK-UPINGTON: Ontevrede dokters in die Dr Harry Surtie-hospitaal, het Woensdag tydens hul etensuur, betoog om die aandag te vestig op gebrek aan personeel en oortydure wat volgens hulle tot uitbranding lei.

Nagenoeg 50 mediese personeellede wat in die hospitaal werk, het plakkate met die opskrif “Daar is geen entstof vir uitbranding nie” en   “Ons wil dokters hê” rondgeswaai.

‘Dokters werk hullehul voorgeskrewe 40 uur plus ‘n gemiddeld van 100-140 uur oortyd per maand. Dit is nie volhoubaar nie en lei tot uitbranding en frustrasie onder dokters, ”lui hul griefskrif wat tydens die betoging aan die hospitaalbestuur oorhandig is.

Volgens hul brief word die 367 bed hospitaal, wat ‘n 24-uur-ongevalle-, arbeidsafdeling- en teaterkompleks het, beman deur 36 dokters. Volgens hulle is dit onvoldoende om die bevolking in die gebied voldoende te bedien.

“Soos dit nou staan, is die Covid-wyke vol en is geen dokters aangestel om in hierdie sale te werk nie,” lui hul verklaring. Vir meer lees ons  12 Februarie 2021 uitgawe

Gewapende rower gevonnis tot direkte gevangenisstraf van 15 jaar

Posted in Tuis

GEMSBOK-KATHU: Kabelo Lechoene (29), is verlede week deur die Kathu-streekhof skuldig bevind en gevonnis tot 15 jaar direkte gevangenisstraf vir gewapende roof en die besit van ongelisensieerde vuurwapen en ammunisie.

Twee gewapende mans is op 9 November 2019 in hegtenis geneem kort nadat ‘n werknemer van ‘n kettingwinkel op pad was om geld by die ABSA-bank in te betaal, van ‘n onbekende bedrag geld in die Kathu-winkelsentrum beroof is.   To read more, read our 30 Oct 2020  issue

Rioolprobleme steeds nie onder beheer

Posted in Tuis

GEMSBOK-UPINGTON: AfriForum het gesê hulle is bekommerd oor die huidige toestand  van die rioolstelsel en die infrastruktuur van Upington en die skadelike gevolge wat dit op die gemeenskap van Upington se gesondheid en die omliggende omgewing kan hê.

Hierdie bekommernis is die afgelope week in ‘n  ernstige skrywe aan Elias Ntoba, munisipale bestuurder van die munisipaliteit oorgedra.

“Ons tree op namens ons lede in die plaaslike gemeenskap van Upington, wat aan die burgerregte-organisasie die mandaat uitgereik het om namens hulle die rioolverwante aangeleenthede aan te spreek,” so lui die skrywe wat Werner Strauss, Kalahari distrikskoördineerder van AfriForum aan die munisipale bestuurder van Dawid Kruiper Munisipaliteit gestuur het.

Vir meer lees ons 24 Julie 2020 uitgawe

Dwelmhuis na vonnis gesloop

Posted in Tuis

GEMSBOK-UPINGTON: Die Carltonstraat dwelmhuis in Upington is gesloop na twee dwelmhandelaars57 jaar gesamentlik in die tronk opgelê is

Die huis in Carltonstraat het bekendheid verwerf as een van die ergste toevlugsoorde vir dwelmverslaafdes en handelaars en is Vrydag gesloop na ‘n uitspraak van die landdroshof in Upington, toe twee van die mense wat die huis gebruik het, vir ‘n gesamentlike 57 jaar trunk toe gestuur is, het die Valke se woordvoerder Nomthandazo Mnisi gesê. To  read more, read our 6 March 2020 issue

Man betrap met jagluiperd en leeu-bene

Posted in Tuis

GEMSBOK-KURUMAN - ‘n 42-jarige Botswana-burger sal na verwagting in die Kuruman-landdroshof  verskyn in verband met onwettige aktiwiteite waarby beskermde spesies betrokke is .

Luidens ‘n verklaring van die direktoraat vir prioriteitsmisdaadondersoek het die Valke die verdagte Vrydag in hegtenis geneem ná ‘n “ontwrigtende operasie nadat inligting opgeduik het dat die verdagte voornemens het om ‘n lewendige jagluiperd en leeubene aan ‘n potensiële koper in Suid-Afrika te verkoop”.

To read more, read our  20 December 2019 issue