GEMSBOK-UPINGTON. Minder rosyne sal vanjaar uitgevoer word as gevolg van die reën wat vroeg in Januarie 2021 uitgesak het in die Oranjeriviervallei. Só het mnr. Ferdie Botha, hoofbestuurder van Raisins SA in ‘n onderhoud met die Gemsbok gesê.

 Daar word geskat dat daar vanjaar tussen 70 000 en 75 000 ton rosyne gelewer sal word, teenoor die aanvanklike oesskatiing van 86,000 ton (12% tot 18% verlies aan produksievolumes). To read more, read our 05 Feb 2021  issue.

GEMSBOK-SPRINGBOK:  Die verdagtes in ‘n skietery tydens ‘n gewapende roof op Springbok is vlugtig vasgetrek.

Op Maandag 2021-02-01 het ‘n gewapende roof, waar ‘n buitelandse burger noodlottig gewond is  en ‘n onbekende bedrag kontant is gesteel.   Springbok-snelwegpatrollie en Springbok POPS-lede is geaktiveer en hulle het inligting vinnig opgevolg wat gelei het tot die opsporing en inhegtenisneming van vier verdagtes by ‘n huis in Okiep. To read more, read our 05 Feb 2021  issue.

GEMSBOK-UPINGTON: Na afloop van die aankondiging van 424 nuut geallokeerde kliniese personeel, wat in Desember 2020 en Januarie 2021 deur die Noord-Kaapse departement van gesondheid aangestel is, het vrae rondom die allokasies vir Dr Harry Surtie Hospitaal op sosiale media ontstaan.

Die allokasies word as deel van die pogings om toegang tot gesondheidsorg in die hele provinsie te verbeter.

Volgens die persverklaring wat op sosiale media versprei is is 424 vakatures gevul, wat wissel van mediese beamptes, aptekers, verpleegkundiges en verwante gesondheidswerkers in alle distrikte in die provinsie.

Wat die toekenning van menslike hulpbronne betref, het Namakwa 52 personeellede ontvang, ZF Mgcawu het 57, John Taolo Gaetsewe 43, Frances Baard 58, Pixley ka Seme 57 en Robert Mangaliso Sobukwe-hospitaal 148 klinici ontvang. Vir meer lees ons  29 Januarie 2021 uitgawe

GEMSBOK-UPINGTON: Die Noord-Kaapse provinsiale bevelraad, onder leiding van die premier, dr Zamani Saul, het onlangs  sy eerste vergadering van die jaar gehou.

Daar is tydens hierdie vergadering opgemerk dat daar sedert die begin van hierdie jaar ‘n beduidende verbetering in die Covid-19-toetsing was. Vanaf Januarie vanjaar is altesaam 15 122 toetse in die provinsie afgelê, vergeleke met die laaste 14 dae van Desember 2020, waar 7 056 toetse afgelê is.

Daar is 3 722 nuwe Covid-19-positiewe gevalle aangemeld vir die periode 01 - 14 Januarie 2021, wat in ‘n periode van 14 dae ‘n positiewe persentasie van 25% is. ‘n Vergelykende analise van sewe dae toon ‘n toename van 44% in pasgevonde gevalle: 01 - 07 Januarie 2021 vergeleke met 08 - 14 Januarie 2021. Die distrik met die hoogste 7-dae toename is John Taolo Gaetsewe (83%) gevolg deur Frances Baard op 77%. Namakwa het rekordstygings beleef, maar begin met ‘n bestendige afname in die persentasie styging.  Vir meer lees ons  29 Januarie 2021 uitgawe

GEMSBOK-UPINGTON: Daar heers glo tans ‘n verhoogde risiko van oordrag van siektes as gevolg van die verhoogde bakteriologiese besmetting in die Oranjerivier tydens vloedtoestande, so het Fritz Bekker van Gariep Watch in ‘n onlangse verslag gesê.

Gariep Watch doen tans ‘n gedetailleerde assessering van die kwaliteit van die waterpiek op die benede Oranjerivier.

“Ons het ‘n moniteringstrategie ontwerp wat op 8 Januarie begin is met die doel om die risiko van bakteriologiese en chemiese besoedeling tydens periodes van hoë vloei beter te verstaan. Die E. coli-opnames vir ons Upington-moniteringsgebied by die padbrug word in figuur in rooi getoon,” skryf Fritz.   Vir meer lees ons  29 Januarie 2021 uitgawe

GEMSBOK-UPINGTON: Die SAPD in Upington ondersoek ‘n saak van inbraak en verkragting nadat ‘n vrou in haar woning in Keidebees verkrag is.

Die voorval het volgens die SAPD op Sondag 24 Januarie 2021 in die vroeë oggendure plaasgevind.

 Na bewering is die 59-jarige vrou in haar woning in Keidebees aangeval deur ‘n onbekende man wat ook gevlug het met kontant wat aan die slagoffer behoort het.

Die polisie vra dringend die publiek se hulp om die verdagte op te spoor.

Enigiemand met inligting kan kapt Van den Heever by 082 3020 442 of sersant Loabile by 076 013 6037 skakel.

Die verstrekte inligting sal streng vertroulik hanteer word.   Vir meer lees ons  29 Januarie 2021 uitgawe

GEMSBOK-UPINGTON: Beweringe dat die Dawid Kruiper Munisipaliteit belastingbetalers se geld gebruik om te stry teen die bevindings van die openbare beskermer se beslissing dat drie van DKM se  amptenare onreëlmatig aangestel was, steek inwoners van die munisipaliteit dwars in die krop.

 Die Openbare Beskermer, Busi Mkhwebane het in Oktober 2020 gesê DKM moet die aanstellings van drie amptenare binne dertig dae omkeer, aangesien dit onreëlmatig was. To read more, read our 22 Jan 2021  issue.

GEMSBOK-KAKAMAS: ‘n Gesamentlike operasie tussen Kakamas SAPS-speurders, POP Upington, K9 Upington, snelwegpatrollie en ZF Mgcawu D-skof, het onlangs vrugte afgewerp toe daar op huise in Lutzburg en Cillie (Kakamas) toege-slaan is. Die klopjagte het gelei tot die arrestasie van drie persone en die opening van drie sake vir die handel in dwelms. To read more, read our 22 Jan 2021  issue. To read more, read our 22 Jan 2021  issue.

GEMSBOK-OLIFANTSHOEK:  Die waaksaamheid van Olifantshoek VisPol-lede het gelei tot die inhegtenisneming van ses manlike verdagtes tussen 25 en 35 jaar.

Daar word beweer dat die lede  patrolliepligte, as deel van die toepassing van die Covid-19-regu-lasies, uitgevoer het toe hulle ‘n voertuig met ‘n sleepwa stop.  Die insittendes het nie die nodige permitte gehad nie en by die deursoek van die sleepwa is vier skape vasgemaak met toue gevind.  To read more, read our 22 Jan 2021  issue.

GEMSBOK-AUGRABIES: ‘n Tragedie, wat volgens inwoners van die gebied verhoed kon word, het homself verlede naweek in die stil woongebied afgespeel, toe ‘n vrou en haar drie kinders ‘n vlammedood gesterf het.

Die Augrabies SAPD het ‘n geregtelike doodsondersoek geloods, nadat die vrou en haar kinders in hulle brandende huis omgekom het. To read more, read our 25 Des 2020  issue.