GEMSBOK-UPINGTON: Die Noord-Kaapse polisie ondersoek drie sake van moord na afsonderlike voorvalle in verskillende dorpe in die provinsie die afgelope week.

‘n 60-Jarige man is Vrydag in Rietfontein vermoor.

 Na bewering is hy tydens ‘n rusie deur ‘n 28-jarige verdagte doodgesteek.

Hy is op die toneel dood verklaar.

In ‘n ander voorval, ook Vrydag, is ‘n 67-jarige man in Kanoneiland in hegtenis geneem omdat hy na bewering sy broer doodgesteek het.

Die twee broers was glo in ‘n rusie gewikkel wat daartoe gelei het dat die verdagte na bewering sy 53-jarige broer doodgesteek het.

Die verdagte is op die toneel in hegtenis geneem nadat die slagoffer dood verklaar is.

In die derde voorval is ‘n 30-jarige man in Deben in hegtenis geneem weens die moord op ‘n 40-jarige vrou.  Vir meer lees ons 06 November  2020 uitgawe

GEMSBOK-UPINGTON: Adrian Lenyidi (23) is verlede week borgtog in die landdroshof in Upington geweier.

Lenyidi het verskyn op aanklag van moord vir die dood van Paulo Murphy, wat op 12 Oktober 2020 met steekwonde by die Upington Taxi Plaza gevind is.

  Die 25-jarige man is in die dr Harry Surtie-hospitaal dood, nadat hy met steekwonde aan sy kop en bolyf by die Upington Taxi Rank gevind is. Vir meer lees ons 06 November  2020 uitgawe

GEMSBOK-UPINGTON: In minder as twee weke nadat die lyk van ‘n onbekende vrou in ‘n kanaal naby Raaswater gevind is, is die lyk van ‘n man verlede week in die Oranjerivier in Upington gevind.

Die lyk van die man wat Dinsdag (27 Oktober 2020) in die Oranjerivier in Upington gevind is, is geïdentifiseer.

Wyle Amos Matanje wat volgens ‘n polisieverklaring ‘n Malawiër was, is deur ‘n familielid geïdentifiseer.

Hy was 26 jaar oud en het in Dakota Weg gewoon.

Sersant Omphile Masegela, polisiewoordvoerder, sê daar word in hierdie stadium geen vuilspel vermoed nie.

Polisie-ondersoeke duur voort. Vir meer lees ons  06 November 2020 uitgawe

NOORD-KAAP - Die SAPD verwelkom die vonnisse wat onlangs aan Paul Pienaar (37) in die Port Nolloth-streekhof opgelê is.

Op 12 April 2019 omtrent 01:30 het Paul Pienaar toegang deur ‘n venster verkry en ‘n 39-jarige vrou wat in haar shanty in Sandrif, Alexanderbaai, geslaap het, daar gekry.

Die verdagte het haar egter probeer verkrag en die die slagoffer het teruggeveg.

In ‘n afsonderlike voorval op 21 Junie 2020, omstrent 11:00, het die beskuldigde ‘n venster van die slaapkamer by ‘n huis in Sandrif, Alexanderbaai, oop gedwing. Die beskuldigde het ‘n vroulike slagoffer met ‘n mes gedreig en haar opdrag gegee om te ontklee voordat hy haar probeer verkrag het. Die 39-jarige vroulike slagoffer het teruggeveg en die verdagte het gevlug. Vir meer lees ons 06 November  2020 uitgawe

GEMSBOK-UPINGTON: School holidays are here and the weather is hot. The SAPD urges parents and caretakers, to please practice  water safety.

With the soaring temperatures, swimming in cool water brings some welcome relief. But drowning is an ever-present risk when people go on outings to rivers, beaches, dams and swimming pools.  Below are the water safety tips to be followed:

Before entering the sea, swimmers must take time to watch the waves and must avoid places where there is a strong backwash, obvious rip currents or a danger of being washed onto the rocks. To read more, read our 30 Oct 2020 issue

GEMSBOK-UPINGTON: Die verval van munisipale eiendomme en  fasiliteite  in Upington lê inwoners baie na aan die hart. Hulle voel hulle reg tot toegang tot die rivier, veilige en skoon ontspanningsgeriewe en selfs toegang tot sportsfasiliteite word ontneem en is glad nie op Dawid Kruiper Munisipaliteit se prioriteitslys nie.

Op bykans elke toerisme gedrewe webblad word Upington, die Rivierstad, as ‘n  ‘n wonderlike oase omring met vrugbare en welige Oranjeriviervallei wat daardeur loop, beskryf.

Maar nie alle inwoners trek voordeel uit hierdie lowergroen veilige trekpleisters nie, want munisipale oorde en ontspanningsgeriewe blyk slegs lugkastele in die hoë somertemperature van die streek te wees.

Die Gordonia-oord “Bloudakkies”, Unievelde, Rosepark, Reitzpark, Olivier Park (Sakkie se Arkie), Spitskop en selfs die Eiland het dekades lank ‘n lafenis aan inwoners van DKM gebied, maar in die laaste twee dekades het hierdie prentjie drasties verander.

Spitskop, ‘n natuurreservaat is blykbaar ‘n paar jaar in der haas deur middel van ‘n privaat transaksie verkoop, na wat beweer word - die munisipaliteit ‘n skielike kontantvloei probleem gehad het.

Die verligting was van korte duur en tenders het vir verskeie van die ander ontspanninggeriewe uitgegaan en is weer terug getrek.

Vir jare lank verval hierdie publieke ontspaningsgeriewe onder die bestuur van die DKM. Slegs die geriewe wat onderverhuur is aan privaat entrepreneurs, het staande gebly, maar dit beteken dat Jan Publiek nie vrye toegang tot hierdie fasiliteite het nie. Vir meer lees ons 23 Oktober  2020 uitgawe

GEMSBOK-POFADDER:  Twee verdagtes is in hegtenis geneem in verband met die moord op Leon Brits, die eienaar van ‘n hotel in Pofadder.

Die twee is op 17 Oktober in hegtenis geneem.

Die inhegtenisnemings is gedoen deur ‘n gesamentlike ondersoekspan bestaande uit provinsiale georganiseerde misdaad, DPCI en speurders van Pofadder en Springbok. Die span is gelei deur brigadier Dick de Waal.

Die 40-jarige Brits se lyk is op 7 Oktober 2020 om 11:45 deur sy vrou Suretha (30) by hul onderdak swembad ontdek is.

 Volgens berigte het sy vrou na hom gaan soek nadat sy hom nie telefonies kon bereik nie. Hy het in Pofadder oornag by sy broer Tokkie, wat Woensdagoggend vroeg na sy huis in Strandfontein vertrek het. Vir meer lees ons  23 Oktober  2020 uitgawe

GEMSBOK-KEIMEOS: Gevangenisstraf van 28 jaar  is aan Rodian Williams opgelê nadat hy ‘n jong meisie vermoor, opgekap en in ‘n puttoilet weggegooi het.

Die wrede en grusame moord op die 19-jarige Shakira Jonkers, het die aand van 8 Desember 2019 in Gamakor in Keimoes, plaasgevind.

Inwoners van Keimoes is  gedurende Desember 2019 geruk deur die gru-ontdekking van ‘n vrou se opgekapte lyk in ‘n puttoilet.

 Volgens polisiewoordvoerder, Mohale Ramatseba, is owerhede na die perseel van ‘n 25-jarige man ontbied nadat die inwoners die gekapte oorskot van ‘n vrou in sy puttoilet ontdek het.

Die aand om 19:00 het die polisie inligting ontvang dat die slagoffer laas in die beskuldigde se geselskap gesien is. Vir meer lees ons 23 Oktober  2020 uitgawe

GEMSBOK-KEIMEOS: Gevangenisstraf van 28 jaar  is aan Rodian Williams opgelê nadat hy ‘n jong meisie vermoor, opgekap en in ‘n puttoilet weggegooi het.

Die wrede en grusame moord op die 19-jarige Shakira Jonkers, het die aand van 8 Desember 2019 in Gamakor in Keimoes, plaasgevind.

Inwoners van Keimoes is  gedurende Desember 2019 geruk deur die gru-ontdekking van ‘n vrou se opgekapte lyk in ‘n puttoilet.

 Volgens polisiewoordvoerder, Mohale Ramatseba, is owerhede na die perseel van ‘n 25-jarige man ontbied nadat die inwoners die gekapte oorskot van ‘n vrou in sy puttoilet ontdek het.

Die aand om 19:00 het die polisie inligting ontvang dat die slagoffer laas in die beskuldigde se geselskap gesien is. Vir meer lees ons 23 Oktober  2020 uitgawe

GEMSBOK-POFADDER: ‘n Beloning is aangebied vir inligting wat kan lei tot die inhegtenisneming van die Pofadder Hotel-eienaar se moordenaars verlede week.

Leon Brits is verlede week dood gevind.  Sy moord het sommige in sy gemeenskap geskok en twee boere het ‘n beloning van R50,000 aangebied vir inligting wat speurders kon help

To read more, read our 16 Oct 2020  issue