Ons moes dit seker geweet het - namate die Kommissie van Ondersoek na Staatskaping onder voorsitterskap van hoofregter Raymond Zondo al hoe dieper delf, hoe meer ratel die skitterwit beendere en geraamtes in die kas van die vorige (en huidige) ANC-regering tydens die bewind van Jacob Zuma. Zuma hou reeds geruime tyd hardkoppig vol dat daar nie so iets soos staatskaping bestaan nie en dat dit ‘n versinsel van wit kolonialiste en vyande van sy voormalige regering was.

Wetsgehoorsame landburgers en pligsgetroue belastingbetalers in die Noordwes-provinsie het enkele maande gelede ‘n diep sug (eintlik ‘n kreun) van verligting geslaak toe dit na maande van bespiegeling bekend geword het dat die voormalige premier van die provinsie (Supra Mahumapelo) van voorneme is om te bedank.

Suid-Afrikaners wat met die aanwysing van Cyril Ramaphosa as president van die land in Desember verlede jaar skielik regop gesit het in die hoop dat Ramaphosa en sy “nuwe” regering sommer oornag ‘n reuse verskil in die land se ekonomie in die hand sou werk maar bowenal baie gou sou speel om die (eerste ronde) belangrikste rolspelers in die staatskapings-dilemma aan die man te bring, was aanvanklik uiters teleurgesteld en het waarskynlik aangeneem dat die hele korrupte amptenary wat vir dié skandalige gebeurtenis in die Suid-Afrikaanse geskiedenis verantwoordelik was (soos altyd?) skotvry daarvan gaan afkom. Maar moenie glo nie - dit blyk dat president Ramaphosa se waarskuwings dat diegene wat deel was van die komplot om die Suid-Afrikaanse ekonomie van honderde miljarde te beroof, nie die lang arm van die gereg sal ontkom nie meer byt af blaf gehad het.

‘n Mens wonder hoeveel Suid-Afrikaanse motoriste die Solidariteit-boikot met betrekking tot Sasol-vulstasies sou ondersteun indien hulle besef het dat hulle slegs een vertakking van die Sasol-reus se uitgebreide bedrywighede (Sasol-operateurs/franchisees) penaliseer vir dit wat hulle (Solidariteit) dink Sasol in terme van die aankondiging van sy Khanyesi-aandeleskema aan wit werknemers gedoen het. Dit maak nie werklik saak hoe ‘n mens oor Sasol se Khanyesi-aandeleskema voel nie.