Frustrasie oor Ellaton se krag

Posted in Letters

S Coetzer, via e-pos - Ons bly in Ellaton en wat ‘n frustrasie was ons Kerstyd en Oujaarsdag nie!

‘n Week voor Oukersdag toe begin die krag hier in ’n sekere gedeelte van Ellaton kort kort afgaan. Dan is dit vir ure af. Bel jy en rapporteer dit by onvriendlike brandweer, is hulle bewus van die saak.

Dan kyk jy hoe jaag die munisipaliteit se mense hier op en af, maar niks kom aan nie. Jy kom tot gevolgtrekking dat hulle weet nie waar is die probleem en waarvoor moet hulle kyk nie.

Terwyl ek die brief tik (31 Desember) is dit 14:15 en ons sit alweer sonder krag, seker alweer vir ’n halfuur.

Dit maak my woedend as ek dink ons moet sonder krag wees, die mense weet of nie wat die probleem is nie, waarna hulle moet soek nie, en hoekom maak hulle nie die fout reg, sodat ons krag kan aanbly nie. Nou kom sit hulle net die krag maar aan en siedaar die mense moet nou tevrede wees, want hulle het mos nou weer krag.

Tot die volgende sonder krag episode van die dag of aand. Is dit dan soveel gevra? Ons betaal vir dienste maar daar is geen diens nie. Pateties.

UA-34805051-1 UA-34805051-1