Fokus op landbou week 27, 2015

Posted in Landbou

NWK Graanmark oorsig : 25 Junie 2015 tot 01 Julie 2015

NOORDWESTER – LICHTENBURG NWK het die volgende inligting rakende die graanmarkpryse en prysbewegings aan die Noordwester voorsien:

Internasionale mielie- en oliesade pryse
Mieliepryse in die VSA beweeg die afgelope week sterk opwaarts. Tans verhandel Julie 2015 Corn teen $4.00 per skepel teenoor $3.64 verlede week. In die VSA word die toestand van die mielie-oes op 68% goed-tot-uitstekend geraam, 3% laer as verlede week. Verlede jaar op dieselfde tydstip was die toestand van 75% goed-tot-uitstekend. 8% van die mielies is in ’n swak toestand teenoor 6% verlede week en slegs 5% verlede jaar op dieselfde tydstip. Feitlik al die aangeplante mielies het vir die tweede week agtereenvolgens bo-normale reënval ontvang en die toestande lyk baie gunstig. Dele in die oostelike Middeweste, spesifiek in Illinois, het hul hoogste reënval ervaar in die afgelope 25 jaar. Die VSA het hul aanplantings verslag Dinsdag-aand vrygestel. Hulle het 88.897 miljoen akker geplant teenoor Maart se die verwagte syfer van 89.199 miljoen akker. Die syfer is die kleinste sedert 2010. Verlede jaar het hulle 90.597 miljoen akker geplant. Die VSA het op 1 Junie vanjaar 4.446 miljoen skepel se oordragvoorrade gehad, binne die verwagting en heelwat hoër as die 3.852 miljoen skepel in 2014 op dieselfde tydstip. Vanuit ’n tegniese oogpunt blyk die korttermyn tendens sywaarts tot opwaarts te wees.

Fokus op landbou week 26, 2015

Posted in Landbou

NWK Graanmark oorsig : 18 Junie 2015 tot 24 Junie 2015

NOORDWESTER – LICHTENURG – NWK het die volgende inligting aan die Noordwester voorsien rakende graanmarkpryse en prysbewegings:

Internasionale mielie- en oliesade pryse

Mieliepryse in die VSA beweeg die afgelope week opwaarts. Tans verhandel Julie 2015 Corn teen $3.64 per skepel teenoor $3.56 verlede week. In die VSA het 100% van die mielies reeds opgekom, teenoor 97% verlede week. Die toestand van die mielie-oes word op 71% goed-tot-uitstekend geraam, 2% laer as verlede week, met slegs 6% in ’n swak toestand, 1% laer as verlede week. Feitlik al die aangeplante mielie-areas het die afgelope week bo-normale reënval ontvang en die toestande lyk baie gunstig. Die tropiese storm, Bill, wat verwag was om bo-normale nat weer vir die VSA se Middeweste te bring, se effek was nie so groot gewees nie. Die sewe tot tien dag vooruitsigte blyk steeds baie nat te wees en kan veroorsaak dat van die gebiede wat reeds baie nat is, nog natter word en van die mielie-plante kan versuip. In Argentinië begin werkers in die hawe weer sedert Maandag staak, wat uitvoere kan belemmer. Vanuit ’n tegniese oogpunt blyk die korttermyn tendens sywaarts tot opwaarts te wees.

FOKUS OP LANDBOU WEEK 25, 2015

Posted in Landbou

NWK Graanmark oorsig : 11 Junie 2015 tot 17 Junie 2015

NOORDWESTER – LICHTENBURG – NWK het die volgende inligting rakende die graanmark pryse en bewegings aan die Noordwester verstrek:

Internasionale mielie- en oliesade pryse

Mieliepryse in die VSA beweeg die afgelope week afwaarts. Tans verhandel Julie 2015 Corn teen $3.56 per skepel teenoor $3.65 verlede week. In die VSA het reeds 97% van die mielieplante opgekom, teenoor 90% verlede week en die 5-jaar gemiddelde van 95%. Die toestand van die mielie-oes word op 73% goed tot uitstekend geraam, met slegs 5% in ’n swak toestand. Beide die persentasies is 1% laer as verlede week. Meer as 90% van die aangeplante mielie-streke het die afgelope week bo-normale reënval ontvang. Die USDA se jongste WASDE-verslag het verlede week verskyn. Wêreld oordragvoorrade is met 4.51 miljoen ton tot 197.01 miljoen ton verhoog. Produksie is nagenoeg 3 miljoen ton tot 999.45 miljoen ton verhoog. Die VSA se oes word steeds op 361.09 miljoen ton geraam, met oordragvoorrade effens hoër op 47.65 miljoen ton. Brasilië se oes word 4 miljoen ton hoër op 81 miljoen ton geraam, met Argentinië se oes 500 000 ton meer op 25 miljoen ton. Vanuit ’n tegniese oogpunt blyk die korttermyn tendens sywaarts tot opwaarts te wees.