NK se Jongboer van die Jaar

Posted in Gemeenskap

Sommige mense droom groot drome, maar dit bly drome. Ander sorg dat hulle drome ’n werklikheid word.

Die Bruwer-broers, Gerhard, Hannes en Vickie jr, en hul pa, Vickie sr, is van daardie mense wat sorg dat hulle drome nie nét idees en gedagtes bly nie. Een persepsie wat ’n mens kry as jy met hulle gesels, is dat hulle ’n gesin is wat weet hoe om te beplan, hard te werk en idees om te skakel in sukses .  To read more, read our 15 Oct 2021 issue.

Fotos skep donker prentjie vir DKM Voertuigvloot

Posted in Gemeenskap

GEMSBOK-UPINGON: Nadat hommeltuig fotos van die Dawid Kruiper  Munisipaliteit se werkswinkel die afgelope week uitgelek het, het beweringe van bedrog en wanbestuur weer opgevlam.

Lede van die publiek is oortuig daarvan dat hierdie fotos  onthul hoe ‘n  die munisipaliteit probeer het om hul diensleweringsmislukking toe te smeer.

Die fotos laat dit lyk asof die  DKM bestuur  nou uitgevang is oor sy versuim om die groeiende agterstand te bestuur van diensvoertuie wat herstel moet word.

Terwyl die  buitensporige agterstand in voertuigonderdele alreeds in die media beklemtoon is, het die munisipale bestuurder in amptelike persverklarings ontken dat die agterstand enigsins bestaan.

Maar foto’s van ’n hommeltuig geneem oor die erf van die munisipale motorhuis, vertel egter ‘n ander verhaal.

Daar kan gesien word dat ’n aantal diensvragmotors rondstaan, terwyl dienslewering in en om Upington steeds verder agteruitgaan.

In sommige gevalle hou selfs pap bande, wat maklik en vinnig is om reg te maak, dienslewering op – soos die geval met ’n vullisverwyderingsvragmotor. Vir meer  lees ons  08 Oktober 2021 uitgawe

Williston maak skoonskip met slaglamkompetisie

Posted in Gemeenskap

GEMSBOK-WILLISTON: Die Suid-Afrikaanse Vleisbedryfmaatskappy (Samic) bied jaarliks ’n landswye slaglamkompetisie aan.

Vroeër was een groot prysuitdelingsfunksie elke jaar gehou, maar hierdie jaar is die prysuitdeling in drie kleiner funksies opgedeel, wat op Williston, Jakkalskop en in Pretoria gehou is. To read more, read our 01 Oct 2021  issue.

Ouma Katriena amper haar nuwe bakkie kwyt

Posted in Gemeenskap

GEMSBOK-UPINGTON: Dit het aan die lig gekom dat ‘n bakkie wat deur premier, dr. Zamani Saul, aan Ouma Katriena Esau geskenk is deur die burgemeester van ZF Mgcawu teruggeneem is.

Volgens wat die Gemsbok kon vasstel is die bakkie deur ‘n familielid van ouma Katriena,  wat glo ‘n opposisieparty wykskandidaat is gebruik om tafels na die stempunt toe aan te ry.

Volgens wat beweer word het burgemeester Paulus Mgcera, “die Sleutels in die huis kom afvat en die bakkie gevat”.

Daar word verder beweer dat die bakkie daarna deur lede van sy party gebruik is om drank  aan te ry.

Ouma Katriena Esau; wat as die Noord-Kaap se  lewende menslike skat en ontvanger van die Orde van Baobab, spog sedert Julie vanjaar met splinternuwe wiele om haar werk as bewaarder van die  N | uu-taal voort te sit.

Die voertuig is aan haar skool, Reik na die Sterre, deur die Noord-Kaapse regering oorhandig.

Die provinsiale sekretaris van hierdie party, Deshi Ngxanga, het ingegryp en in ‘n aanma-ningskrywe die betrokke lede oor die vingers getik.

“Die bakkie is nie ‘n partypolitieke skenking nie, maar ‘n skenking van die regering aan Ouma Katriena.  Dit is baie belangrik om die skeiding tussen party en staat te handhaaf,” het hy geskryf.

Hy het geskryf dat die party se provinsiale tak  verontwaardig is oor die optrede van die raadslede en eis dat diegene wat daarby betrokke is, dringend ter sprake moet kom.

Hy het ook ‘n beroep gedoen dat reël 25 van die party se grondwet ingeroep moet word en dat dissiplinêre stappe ingestel moet word teen die  raadslede wat by hierdie veragtelike optrede betrokke is.

 Vir meer  lees ons  24 September 2021 uitgawe