Jongste Nuus

Kriminele saak teen DKM oor riool

Posted in Jongste Nuus

GEMSBOK-UPINGTON: Werner Strauss, streekskoordineerder van Afriforum se Kalahari-tak het ‘n kriminele klag teen die munisipale bestuurder van die Dawid Kruiper Munisipaliteit, Elias Ntoba, en al die betrokke rolspelers binne die munisipaliteit aanhangig gemaak.

Die rits klagtes hou verband met die “pligsversuim” van DKM om die riool probleme in die munisipale gebied daadwerklik aan te spreek.

“Die huidige verval, wanbestuur en versuim van onderhoud van die Upington en omgewing se rioolstelsel het verskeie rioollekkasies tot gevolg. To read more, read our 15 Oct 2021  issue.

Samewerking bring verligting te midde van NK veldbrande

Posted in Jongste Nuus

GEMSBOK-UPINGTON: Hulp kom nou van  selfs die mees onwaarskynlikste plekke na aanleiding van die veldbrande in die Noord -Kaap, wat binne enkele dae groot verwoesting gesaai het. Tog is baie meer hulp nodig.

Die Kimberley-diamantmynmaatskappy, Ekapa, en die Noord-Kaapse landboubesigheid GWK, het kragte saamgesnoer om hulp te verleen aan die meer as 100 000 ha verskroeide aarde in gebiede tussen Schmidtsdrift, Campbell, Douglas, Kimberley, Magersfontein en Jacobsdal is in puin agtergelaat.  To read more, read our 15 Oct 2021  issue.

Trio in hof vir tenderbedrog

Posted in Jongste Nuus

GEMSBOK-UPINGTON: Twee maatskappydirekteure en ‘n voormalige senior amptenaar van die Noord -Kaapse gesondheidsdepartement is in kookwater oor ‘n onreëlmatige tenderskandaal van R453 miljoen.

Die drietal word daarvan beskuldig dat hulle bedrieglike dokumente vir die onderneming, genaamd Defensor Electronic Security Systems, ingedien het om ‘n onregverdige voordeel te verkry vir ‘n tender om veiligheidsdienste aan die departement van gesondheid te verskaf.

To read more, read our 15 Oct 2021  issue.

Hoërskool Martin Oosthuizen alumni presteer

Posted in Jongste Nuus

Twee alumni van die Hoërskool Martin Oosthuizen,Izak (matriek 1985) en Hannes(1987) Nel van Nel Brothers - Rooipad, is tydens Raisins SA se toekenningsgeleentheid aangewys  as die Industriële leiers van die jaar vir 2021.

Marcell Schreuder, ‘n graad 11-leerder  van Hoërskool Martin Oosthuizen, is tydens die glansgeleentheid van South African Raisins aangewys as Raisins SA se Landbou  skolier van die jaar. Die skool is baie trots dat die skolier van die jaar wenner  en die Industriële leiers van die jaar uit dieselfde stal kom. Vir   meer skolenuus lees ons 08 Oktober 2021 uitgawe

Walter Meyer se weduwee skuldig bevind aan sy moord

Posted in Jongste Nuus

GEMSBOK-UPINGTON: Die weduwee van die bekende kunstenaar Walter Meyer is skuldig bevind aan sy moord.

Sophia Meyer het  in die Upington-hof verskyn.

Woordvoerder van die nasionale vervolgingsgesag, Mojalefa Senokoatsane, het gesê die hof het Sophia skuldig bevind aan moord en haar saak tot 15 November uitgestel.

“Die saak is ook uitgestel vir die hof om te bepaal of die beskuldigde op borgtog vrygelaat sal word, aangesien sy tans in aanhouding is ná haar skuldigbevinding,” het Senokoatsane gesê.

Meyer is op 22 Desember 2017 “met ‘n skerp voorwerp gesteek” tydens ‘n rusie met sy vervreemde vrou.

Die 52-jarige kunstenaar, wat werke in versamelings in New York, Kanada en in die SA National Gallery laat hang het, moes in die jare voor sy dood sy skilderye vir ‘n appel en ui verkoop om kos op die tafel te sit.

Hy het saam met Sophia, wat 27 jaar oud was ten tyde van die moord, in Augrabies Park op Upington gebly. Hulle huwelik is as onrusbarend beskryf. Vir meer lees ons  08 Oktober 2021 uitgawe

Noodlottige botsing met vullistrok word ondersoek

Posted in Jongste Nuus

GEMSBOK-UPINGTON: Verskeie gerugte doen tans die rondte nadat ‘n vullistrok van die Dawid Kruiper Munisipaliteit in ‘n noodlottige botsing met ‘n ander vragmotor betrokke was.

Die polisie in Upington ondersoek ‘n saak van strafbare manslag na ‘n ongeluk met twee vragmotors wat op Schröderstraat naby die Engen -vulstasie op Donderdag, 30 September 2021 plaasgevind het.

Sersant Omphile Masegela, woordvoerder van die Upington SAPD sê daar word beweer dat die twee vragmotors op ‘n kruising gebots het, wat gelei het tot die dood van ‘n 45-jarige man, die bestuurder van een vragmotor en drie ander mense wat ernstige beserings opgedoen het.

Die beseerde persone is na die hospitaal geneem vir behandeling. Die ondersoek duur voort. 

“Daar was gisteraand ‘n ongeluk te Schröderstraat,Upington tussen die Raad se Vullistrok en n privaat trok. Die ongeluk het in Schröderstraat, in Middelpos plaas gevind. ‘n Munisipale amptenaar het in die ongeluk aan sy beserings beswyk  en twee ander insittendes asook die drywer van ‘n privaat trok sterk tans aan in ‘n naby geleë hospitaal. Hiermee wil ons as Dawid Kruiper Munisipaliteit ons innige meegevoel en medelye aan die familie van ons kollega stuur asook sterkte aan die beseerdes,” so lui die persverklaring wat na afloop van navraag oor die ongeluk uitgereik is.

Geen van die gerugte wat tans die rondte doen, soos dat die bestuurder van die voertuig die vullistrok sonder toestemming en teen ‘n hoë spoed bestuur het, kon teen druktyd deur die Gemsbok bevestig word nie.. Vir meer lees ons 08 Oktober 2021 uitgawe

Departement waarsku: Vakature by korrektiewe dienste ‘n bedrogspul

Posted in Jongste Nuus

GEMSBOK-UPINGTON: Die departement van korrektiewe dienste (DKD) is bewus van  die jongste bedrogspul met betrekking to geadverteerde werksgeleenthede.

In die nuutste vakature foefie kontak die meesterbrein, glo met die naam van Ngcobo, werksoekers om hulle in te lig dat Upington Korrektiewe Dieste se areabestuur afdeling mense werf vir die leerlingskapprogram.

Die beweerde bedrieër (Ngcobo) verskaf aan niksvermoedende werksoekers die fisiese adres van die kantoor van die Upington -gebiedskommissaris as ‘n lokaal vir die onderhoude met leerlinge en eis dan dat hulle ‘n bedrag van R2000 per aansoeker deur ‘n Pep -winkel in die streek aan hom stuur om ‘n onderhoud vir die niksvermoedende werksoekers te verseker.  Vir meer lees ons 08 Oktober  2021 uitgawe

Boere gewaarsku oor sprinkane

Posted in Jongste Nuus

UPINGTON: Daar is vrese dat hierdie seisoen van die ergste besmettings van bruin sprinkane (Locustana pardalina) in Suid -Afrika op rekord kan kom.

Dit het gevolg op berigte oor uitbrake in die Concordia- en Springbok-gebiede in die Noord-Kaap, sowel as die distrikte Graaff-Reinet, Cradock en Aberdeen in die Oos-Kaap.

Andrea Campher, bestuurder van die risiko- en rampeenheid by Agri SA, het gesê die goeie reënvalvoorspelling vir die komende seisoen en die feit dat die sprinkane vroeër vanjaar hul eiers naby besproeiingsgebiede in die Oos-Kaap gelê het, kan grootskaalse besmettings veroorsaak.

To read more, read our 01 Oct 2021 issue.

Vier van Dept in hof oor diamante

Posted in Jongste Nuus

GEMSBOK-UPINGTON: Vier senior Noord -Kaapse regeringsamptenare wat in hegtenis geneem is weens ‘n bedrogsaak van R6,7 miljoen, het in die hof verskyn waar hulle later op borgtog van R10 000 elk vrygelaat is.

Die amptenare, van die Noord-Kaapse departement van ekonomiese ontwikkeling en toerisme, is Woensdagoggend vroeg in hegtenis geneem en verskyn op dieselfde dag sowel as Donderdag in die hof.

Die voormalige departementshoof, Patrick Seboko (66), finansiële hoof, Kuberin Packirisamy (60), senior projekbestuurder, Tebogo Basil Ga-borone (46) en hoofdirekteur, Lizette Wyngaard (56), het in die landdroshof in Kimberley verskyn en is almal op borgtog van R10 000 vrygelaat.

To read more, read our 01 Oct 2021  issue.

 

Twee polisiemanne vas vir poging tot moord en roof

Posted in Jongste Nuus

GEMSBOK-KURUMAN: Die Valke in die Noord -Kaap het  vir twee polisielede gewys wie die baas is toe hulle die twee  in hegtenis geneem het vir poging tot moord en roof in Kuruman.

Die twee polisielede het verlede naweek hul huise vir tronkselle verruil.

Die duo word aangekla vir ‘n paar taamlik ernsitge oortredings soos poging tot moord, roof en ontvoering wat hulle glo tussen Julie en Augustus 2020 gepleeg het.

Die SAPD het glo aanhoudende klagtes by die plaaslike polisiekantoor ontvang.

 Danksy die slim hulp van die taktiese reaksie -span en misdaadintelligensie is die twee  polisiemanne deur die Valke se span vir ernstige georganiseerde misdaad geboei.

Die twee verdagtes, ‘n sersant en ‘n konstabel, is onderskeidelik 37 en 31 jaar oud.  Hulle het reeds in die landdroshof in Kuruman verskyn.

Volgens die Valke-woordvoerder, luite-nant-kolonel Philani Nkwalase, het die verdagtes vermoedelik ‘n sindikaat geskep om motoriste naby die N14 te beroof.

Van die belangrikste items wat na bewering beroof is, sluit in kon-tant en selfone.  Vir meer lees ons 24 September 2021 uitgawe

Verdagte vir aanval op Kaapse paartjie aangekeer

Posted in Jongste Nuus

GEMSBOK-DANIëLSKUIL:‘n 45-jarige man, wat inverband met klagtes van moord, poging tot moord en huisbraak gesoek is, is Vrydag in Danielskuil  aangekeer en in hegtenis geneem.

Daar word beweer dat die verdagte in die vroeë oggendure van 01 September 2021 by ‘n huis in Delft, in die Wes -Kaap, ingebreek en ‘n paartjie met ‘n panga gekap het.

Die man is oorlede en die vrou is in ‘n kritieke toestand in die hospitaal gelaat.

Die verdagte het van die toneel na die Noord -Kaap gevlug.

Lede van die Noord -Kaapse SAPD -opsporingspan en ‘n reservis van Delportshoop SAPD, het inligting opgevolg en verskeie huise in Danielskuil deursoek.

Die verdagte is aangekeer en nadat hy weggekruip het by ‘n huis in Sloya, Danielskuil.

Brigadier Nicky Mills, hoof van gesinsgeweld, kinderbeskerming en seksuele misdrywe in die Noord -Kaap, het die opsporingspan geaktiveer wat gelei het tot die suksesvolle opsporing van die verdagte.

Die SAPD se provinsiale bestuur in die Noord -Kaap het die drietal geprys vir hul meedoënlose en vinnige optrede wat tot die inhegtenisneming van die verdagte gelei het en ook die gemeenskap bedank dat dit die oë en ore van die polisie was. Vir meer lees on 24 September 2021 uitgawe