‘n Wildsvleisie vir die pot

Posted in *Venison Recipes

In Suid-Afrika en sy talryke tradisies is dit nou maar eenmaal so dat ‘n wildvleisie vir die pot geen onbekende gesig op ons etenstafels is nie.
As jy boonop een van talle jaggeesdrigtiges was wat die afgelope winter in die jagveld kon deuring, is jy waarskynlik een van talle mense wat met bykans ‘n hele resepteboek met wildvleisresepte kan spog.
Daar is allerlei maniere en metodes wat ‘n mens kan gebruik om die “wild” uit jou bok te haal en ‘n absoluut heerlike liplekkergereg te verseker.

Die wildvleisresep wat ons vandeesweek vir ons lesers opdis, kom van me Reinette Smith, ‘n dame wat goed met die plaaslewe vertroud is en jou dadelik kan sê hoe jy ‘n beskeie stukkie wildvleis in die pot kan voorberei.
Jy doen dit so:

Wildsvleisresep

Bestanddele:

1 kg wildsvleis
1 ¼ koppies bruin asyn
250 g varkvet
Sout en peper
Worchestershire-sous

Metode:

Laat lê jou wildsvleisie oornag in ‘n mengsel van water en nagenoeg een koppie bruin asyn. Was die volgende dag die vleis mooi skoon af.
Plaas dan die vleis, die varkvet wat in blokkies gesny is, 15 tot 20 naeltjies, ‘n kwartkoppie bruin asyn, 4 eetlepels Worchestershire-sous en sout en peper na smaak in jou stoompot en stoomkook vir ongeveer 40 minute.

Na 40 minute in die stoompot haal jy die wildvleis uit, plaas in ‘n gewone pot of kastrol en laat lekker saggies prut terwyl jy dit gereeld goed roer.
Die idée is dat die vleis behoorlik van die bene afval. Verwyder nou alle stukkies been en bedien die fyn- en saggekookte wildvleis met enigiets van rys, stampmielies of koring as jy wil.

Maak seker dat jy ‘n klein skeppie of twee vleis vir die volgende oggend oorlaat – dit is al te heerlik op ‘n stukkie roosterbrood saam met die oggendkoffie

– bon appétit!

Gird-familie maak gewilde lekkerny

Posted in *Venison Recipes

In hierdie week se uitgawe van "Raak die 'klits' kwyt" - ons derde aflewering van in die reeks van vyf kooksessies rondom die reuse World Food Festival van plaaslike gemeente - Vantage Point - wat op Vrydag, 26 Mei vanaf 17:30 plaasvind. Verlede jaar se World Food Festival het omtrent vir 'n stormloop gesorg en 'n wye verskeidenheid heerlike eetgoed van formele maaltye tot biltonghappies, worsbroodjies, nageregte, allerlei lekkernye tot die immergewilde hamburger en vetkoeke is binne 'n kwessie van slegs twee ure uitverkoop.


Rustenburgers wat hoop om by vanjaar se fees 'n bietjie meer van die "spyskaart" te sien, sal aangeraai word om beslis nie laat te wees nie... In hierdie uitgawe lekker wildspastei van Desmond Gird en sy familie... Die Girds het verlede jaar nie minder nie as 300 van hierdie heerlike pasteie van die hand gesit - vanjaar is die teiken heelwat meer... Ons het geproe en dit is beslis aan te bevole - jy sal wys wees om vanjaar sommer baie vroeg op te daag en 'n groot "inkopiesak" saam te bring...
Die Gird-familie maak hulle wildspastei só..


Wilde Wildspastei

Fyn Wildsvleis
2 kg vleis - nek, lies of bors van wild, haas of tarentaal
100 g varkspek
12 kruienaeltjies
20 peperkorrels
4 lourierblare
2 knoffelhuisies
20 ml sout
5 ml swartpeper
60 ml asyn
1 500 ml water (vir die stoompot)

Metode

Sit alles saam en stoom vir 45 minute in 'n stoompot of kook oor matige hitte vir 3 tot 5 ure op stoof of in die oond teen 120 °C tot die vleis van die been afval. Haal uit die pot. Hou die oorblywende water vir sousmengsel. Breek vleis fyn met 'n vurk en verwyder alle peperkorrels, lourierblare en naeltjies asook moontlike stukkies sening. Die vleis kan nou verpak en gevries word vir latere gebruik of jy kan voortgaan met jou wildspastei.

Sous

2 wortels en 1 groot aartappel in blokkies gesny
2 eetlepels koekmeel met koue water aangemaak. Sout en growwe swartpeper na smaak
Oorblywende aftreksel van fynvleis-pot
Kook wortels en aartappel tot gaar in oorbly-aftreksel van fynvleis-potjie. Haal wortels en aartappel uit en meng dit met die fynvleis. Verdik dan een-en-'n-half koppie van die oorblywater met koekmeelmengsel. Roer deurentyd todat die sous verdik. (Voeg kookwater by indien nodig). Voeg sout en growwe swartpeper by na smaak. Meng die sous met die fyunvleis en groentemengsel.

Kors

Jy kan 'n bo-kors maak met gekoopte Puff Pastry of jy kan jou eie slapdeeg maak en bo-oor sit.

Slapdeeg

400 g bruismeel of 400 ml koekmeel en 4 teelepels bakpoeier
2 eiers
250 ml melk
250 ml sonneblomolie
uieringe - breed gesny (opsioneel)

Metode

Meng alles goed saam en bedek fyn-wildsvleis en sous. Druk uieringe bo-op deeg indien gebruik. Bak teen 180 °C vir ongeveer 15 minute of todat dit bo-op goudbruin van kleur is. Laat effens afkoel en bedien...
Onthou - Vantage Point se World Food Festival vind plaas by die gemeente se kerkgebou sowat 2 km anderkant die Waterfall.

Gird-familie maak gewilde lekkerny

Posted in *Venison Recipes

In hierdie week se uitgawe van "Raak die 'klits' kwyt" - ons derde aflewering van in die reeks van vyf kooksessies rondom die reuse World Food Festival van plaaslike gemeente - Vantage Point - wat op Vrydag, 26 Mei vanaf 17:30 plaasvind. Verlede jaar se World Food Festival het omtrent vir 'n stormloop gesorg en 'n wye verskeidenheid heerlike eetgoed van formele maaltye tot biltonghappies, worsbroodjies, nageregte, allerlei lekkernye tot die immergewilde hamburger en vetkoeke is binne 'n kwessie van slegs twee ure uitverkoop.


Rustenburgers wat hoop om by vanjaar se fees 'n bietjie meer van die "spyskaart" te sien, sal aangeraai word om beslis nie laat te wees nie... In hierdie uitgawe lekker wildspastei van Desmond Gird en sy familie... Die Girds het verlede jaar nie minder nie as 300 van hierdie heerlike pasteie van die hand gesit - vanjaar is die teiken heelwat meer... Ons het geproe en dit is beslis aan te bevole - jy sal wys wees om vanjaar sommer baie vroeg op te daag en 'n groot "inkopiesak" saam te bring...
Die Gird-familie maak hulle wildspastei só..


Wilde Wildspastei

Fyn Wildsvleis
2 kg vleis - nek, lies of bors van wild, haas of tarentaal
100 g varkspek
12 kruienaeltjies
20 peperkorrels
4 lourierblare
2 knoffelhuisies
20 ml sout
5 ml swartpeper
60 ml asyn
1 500 ml water (vir die stoompot)

Metode

Sit alles saam en stoom vir 45 minute in 'n stoompot of kook oor matige hitte vir 3 tot 5 ure op stoof of in die oond teen 120 °C tot die vleis van die been afval. Haal uit die pot. Hou die oorblywende water vir sousmengsel. Breek vleis fyn met 'n vurk en verwyder alle peperkorrels, lourierblare en naeltjies asook moontlike stukkies sening. Die vleis kan nou verpak en gevries word vir latere gebruik of jy kan voortgaan met jou wildspastei.

Sous

2 wortels en 1 groot aartappel in blokkies gesny
2 eetlepels koekmeel met koue water aangemaak. Sout en growwe swartpeper na smaak
Oorblywende aftreksel van fynvleis-pot
Kook wortels en aartappel tot gaar in oorbly-aftreksel van fynvleis-potjie. Haal wortels en aartappel uit en meng dit met die fynvleis. Verdik dan een-en-'n-half koppie van die oorblywater met koekmeelmengsel. Roer deurentyd todat die sous verdik. (Voeg kookwater by indien nodig). Voeg sout en growwe swartpeper by na smaak. Meng die sous met die fyunvleis en groentemengsel.

Kors

Jy kan 'n bo-kors maak met gekoopte Puff Pastry of jy kan jou eie slapdeeg maak en bo-oor sit.

Slapdeeg

400 g bruismeel of 400 ml koekmeel en 4 teelepels bakpoeier
2 eiers
250 ml melk
250 ml sonneblomolie
uieringe - breed gesny (opsioneel)

Metode

Meng alles goed saam en bedek fyn-wildsvleis en sous. Druk uieringe bo-op deeg indien gebruik. Bak teen 180 °C vir ongeveer 15 minute of todat dit bo-op goudbruin van kleur is. Laat effens afkoel en bedien...
Onthou - Vantage Point se World Food Festival vind plaas by die gemeente se kerkgebou sowat 2 km anderkant die Waterfall.

Agterkant van 'n bees - onderkant van 'n koedoe... (en meng goed)

Posted in *Venison Recipes

Suid-Afrikaners van oraloor sal seker vir nog 'n hele klompie weke (veral naweke) nabetragting hou oor die verloop, oploop tot en afloop van die (afgelope) kersvakansie en soos dit maar gaan, is dit maar die laataand-kampvure, die pruttende potjies en die druppende braairoosters wat seker maar die langste onthou sal word. Nouja, daar is min twyfel dat potjies die afgelope vakansie hoog op die spyskaart was want wat is nou beter kampkos as 'n potjie? Maar al gehoor van 'n wildskenkel- en beesstertpotjie?
Hierdie wild- en beesstertpotjieresep van Jannie van der Westhuizen van Rustenburg is een van die eerste stukkies "bagasie" wat jy vir jou volgende vakansie of naweek-wegbreek moet inpak.
Jannie maak dié potjie so: (Terloops - as jy die ou wat langs jou kamp wil beïndruk, sê jy bloot vir hom jy gebruik die agterkant van 'n bees en die onderkant van 'n koedoe - dit is mos die waarheid of hoe?)

Beesstert en Wildskenkels (koedoe)

Bestanddele

Twee groot gekerfde uie
1 kg beesstert
1 kg wildskenkels
6 groot aartappels
1 liter Old Brown cherry
1 pakkie bruinuie-soppoeier

Metode

Braai uie mooi bruin in olie en voeg die beesstert en wildsvleis by.
Gooi Old Brown cherry by "ek gebruik ‘n liter want ek hou van baie sous - as jy nie van baie sous hou nie gebruik dan 750 ml", sê Jannie (ons sal dit egter nie maklik aanbeveel nie - hoe weet jy nou of jy nie dalk dors raak as jy so by die vuur staan en spook nie?) Voeg swartpeper en sout by volgens smaak, moenie bang wees om genoeg swartpeper by te gooi nie.
Aartappels word bygevoeg omtrent ‘n uur voordat jy besluit om die pot af te haal, sny aartappels in kwarte. Meng bruinuie-soppoeier met water en gooi saam met die aartappels in (dit is al water wat bygevoeg word).

Hierdie pot is ideaal vir kamp of visvang, omdat dit nie baie bestanddele bevat nie.
Belangrik: dit moenie op ‘n baie warm vuur gedoen word nie, krap die kole onder die potjie in die middel effens oop. Tydsduur is 'n minimum van drie-en-'n-half tot vier ure, hoe langer hoe beter.
Vir 'n bykossie is potbrood die eerste keuse, stampmielies en pap werk natuurlik ook goed - dis vir jou om te besluit.

Koedoefillet waaraan jy nie langtand eet nie...

Posted in *Venison Recipes

"Tandartse", sê die Amerikaanse kommediant, Bill Cosby, "is mense wat vir jou vertel om nie met kort, skerp metaalagtige voorwerpe in jou tande te krap nie. Maar sit jy in die tandarts se stoel, is die eerste ding wat hy gryp, 'n ysterhaak!" Nee, moenie glo nie - gelukkig is dit darem nie heeltemal die waarheid nie - tandartse kan in die middel van die nag daardie "vriend" wees wat jy heimlik wens jy het naby aan jou gehad - enigiemand wat al ooit in die nag of oor 'n langnaweek met tandpyn gesukkel het, sal hiervan kan getuig.

In ons jongste aflewering van Rustenburg Herald se "Raak die 'klits' kwyt" (kook) - het ons die voorreg gehad om saam met sekerlik Rustenburg se bekendste tandarts- en kunstenaarsegpaar, drr Hennie en Mollie de Bruin (Moolman) 'n vuurtjie aan te pak en 'n goed-voorbereide "gekultiveerde" koedoerugstring (fillet) te braai.

Hennie is veral 'n man wat sy jagveld en wildsvleis ken. "Nee, jy gaan skiet nie sommer gou 'n "bok" en begin dan om die vuurtjie aan te blaas nie. Só mors 'n mens net met goeie vleis. Die kuns van wildsvleis is om dit behoorlik voor te berei, dit met verkieslik natuurlik geure/smake soos mosterd, room en olyfolie te "behandel" en dan vir so minstens twee tot drie dae te laat lê voordat jy na die dosie vuurhoutjies begin soek.

Nadat hulle lekker dik snitte (medalions soos die Engelse sê) gehalte-rugstring vir die braai opsy gesit het, het Hennie en Mollie presies hierdie resep gebruik en die sousies deur die loop van 'n dag of twee telkens met die hand in die vleis ingevryf. 'n Paar groterige uieringe by jou vleis en as jy wil - 'n titseltjie knoffel, rond die prentjie af.

En dan baie belangrik - 'n mens gooi nie sommer goeie wildsvleis op 'n oop rooster en braai dit kurkdroog nie - selfs al het jy dit deeglik gemarineer. Nee, wild braai jy verkieslik in 'n lekker groot, warm pot met 'n deksel in 'n olyfoliebasis. Wanneer die vleis feitlik gereed is, skep jy dit uit, plaas in 'n tweede pot en flambeer vir 'n paar oomblikke. Meng dan 'n bietjie room saam met die oorspronklike uieringe in die olyfoliesous en skep ruimskoots oor die vleis wanneer jy op die punt is om op te dien. Waak daarteen om jou fillette oorgaar te maak - dit moet vir die gemiddelde ou nog taamlik rooierig lyk wanneer jy dit in jou tweede pot plaas om vinnig te flambeer.

Wildvleis het 'n bekoring van sy eie en die geheim is om nie die wild met speserye en vreemde "kulture" te probeer makmaak nie. Berei dit liefs goed voor deur deur dit vir baie naby aan drie dae in 'n natuurlike sous soos room, knoffel en die olyfolie waarvan ons hier praat, te laat "ryp" word.

Saam met die allersagste koedoerugstring het die De Bruins 'n heerlike aartappelgereg en nog 'n eie skepping - 'n pitabroodjie gevul met kaas en sampioene (basies twee liggevulde pizzas wat omgekeer bo-op mekaar lê) en in 'n toeknyprooster op die kole "gaargemaak" is, voorgesit. 'n Ligte Griekse slaai met mooi groot en rondgesnyde lemoenskyfies sorg vir daardie tikkie pikantheid wat jy net so nou en dan met 'n slukkie goeie, droë rooiwyn komplimenteer.

Eerskomende Donderdag vier ons Erfenisdag - sogenaamde "braaidag" in die eg Suid-Afrikaanse tradisie. As jy en die gesin beplan om ook 'n vuurtjie aan te slaan en nog nie finaal oor jou vleis besluit het nie, moet jy dalk 'n groot aantekening van hierdie eenvoudige maar heerlike resep en metode maak. Onthou - dit werk ook uitstekend met biefstuk en beesfillet as jy dalk nie 'n goeie winter in die jagveld gehad het nie, of as jou jagtersvriende van jou vergeet het...
Dankie Mollie en Hennie - julle is voorwaar kunstenaars - in meer as een opsig... Bon appetite!

search our recipes