Tags: Rustenburg, Herald, children, recipes cooking

Studentesjefs spog met gemmer-, knoffel- en soja-gesmoorde hoender

Written by Liesl. Posted in Chicken Recipes

Ons het in die verlede al telkemale met student- en meestersjefs van Rustenburg se eie Professional Cooking Academy in die kombuis gekuier en om die tafel gesit. Vandeesweek maak ons weer so en stel graag vir Annlerie Oosthuizen en Johan Roodt aan ons lesers voor. Die twee is beide jong, maar bedrewe studentesjefs by die akademie en demonstreer in hierdie aflewering vir ons hoe om ‘n spogete met hoender voor te sit. 

Jou bestanddele is soos volg:

2 hoenderdye

40 ml sojasous
5 ml knoffel, gerasper
7.5 ml vars gemmer, gerasper
15 ml ryswynasyn
15 ml heuning
15 ml bruin suiker
5 ml donker sojasous (opsioneel)
½ tlp geroosterde sesamolie
sout en pepper na smaak
brandrissievlokkies, (opsioneel)

Garnering:

sprietuie, dun gesny
sesamsade

Metode:

Voorverhit oond tot 180°C. Droog die vel van elke hoenderdy af met papierhandoek. Geur die hoenderdye met sout en peper. Gooi een eetlepel olie (olyf, Canola of sonneblom) in n oondvaste braaipan of mediumgrootte pot.

Rangskik die hoender in die pan/pot sodat daar net ‘n klein spasie tussen die stukke is, maar die pan nie oorvol is nie. Geur die velkant met sout en peper en hou eenkant.

Gooi die sojasous, knoffel, gemmer, ryswynasyn, heuning, bruinsuiker, donker sojasous en geroosterde sesamolie in ‘n groot maatbeker. Klits totdat die suiker opgelos is en laat eenkant.

Plaas die hoender in die oond en rooster vir 20 min. Haal dit uit en giet die sojasmoor oor die hoender totdat dit aan die kante van die hoender opgaan, maar nie te veel nie - want hierdie mengsel kook in die oond en mag dalk oorkook. Maak die pan/pot bo toe met foelie en sit dan ‘n deksel bo-op.
Sit weer terug in die oond vir ‘n verdere 30 – 35 minute of tot die interne temperatuur van die hoender 175°C bereik.
Die sous moet effens taai en verdik wees, maar maklik gietbaar. Bedien oor sagte rys en garneer met sprietui en sesamsaad.




‘n Pastei soos wat Ma gemaak het

Written by Liesl. Posted in Chicken Recipes

My ma se hoenderpastei was my hele lewe lank die middelpunt van spesiale geleenthede.
Verjaarsdagvieringe was volmaak met die lieflike geure en die goudbruin kors van daardie pastei. ‘n Kerstafel was nie volledig sonder ma Anna se hoenderpastei nie en Nuwejaar sou beslis minder voorspoedig gewees het indien die pastei nie vir ete op die tafel was nie.
My ma het nooit dié resep neergeskryf nie, gevolglik, na haar dood, moes ek talle probeerslae uitvoer – sommige met meer sukses as ander.
Na deeglike ‘trial and error’ dink ek ek het by ‘n gereg uitgekom wat byna by hare sou kon kers vashou.

Bestanddele:

Groot hoender, rou
Knippie Naeltjies
Knippie Neutmuskaat
Knippie Roosmaryn
Knippie gemaalde Swartpeper
Knippie Paprika
Braaivleisspeserye
2 x medium Uie
3 x medium Wortels, geskil
1 x pakkie Sampioene
1 x pakkie Spicy chicken soppoeier
250ml melk
1 x koppie klein pastaskulpies
400ml Water
1 x rolletjie Puff Pastry
1 x Eier, aangemaak met ‘n bietjie melk (om bo-oor te verf)

Metode:

Plaas die hoender in ‘n groot pot met genoeg water om dit halfpad te bedek. Geur met Naeltjies, Neutmuskaat en Roosmaryn. Kook tot hoender gaar is, maar nie pap nie.
Laat deeglik afkoel.
Ontvel en ontbeen die hoender.
Sny uie fyn en wortels in dun ringetjies.
Kerf sampioene.
Braai uie in botter tot blink.
Voeg Braaivleisspeserye, Swartpeper en Paprika by.
Voeg wortels en sampioene by en roerbraai vir ‘n minuut of twee.
Voeg die ontbeende hoender by en roerbraai.
Gooi die water waarin die hoender gekook het deur ‘n sif om seker te maak fyn beentjies glip nie in nie en voeg die hoenderwater dan by jou mengsel.
Maak die pakkie sop met ‘n koppie melk aan en voeg by hoendermengsel.
Voeg die pastaskulpies, asook die 400ml water by en roer goed.
Sit die pot se deksel op en kook vir sowat 30 min.
As die mengsel te dik is, voeg nog ‘n bietjie water by.
Laat effens afkoel en skep dan in jou gesmeerde pasteibak.
Rol die pasteideeg uit en plaas oor die vulsel.
Prik die deeg hier en daar sodat stoom kan ontsnap.
Verf met geklitse eiermengsel.
Plaas in voorverhitte oond en bak teen 200° vir 15 min.
Verminder hitte na 160° en bak vir ‘n verdere 15 min of tot mooi goudbruin.
Bedien saam met groente en slaai.

*Lewer een groot pastei of twee medium pasteie.

Pan-grilled chicken breast fillets in an Indian Korma sauce with coriander, toasted almonds and Naan bread.

Written by Liesl. Posted in Chicken Recipes

Rustenburg’s ice cold/freezing winter nights are probably shouting for something hot/something new/something easy or something delicious to treat your family and to help them forget the awfulness of the winter of 2018. Then again there are those who don’t mind the winter at all but who love a surprise on the dining table.
Here’s how Pieter Germishuys and his team at the Hedgehog’s Nest Culinary Institute prepare pan-grilled chicken breast fillets in an Indian Korma sauce with coriander, toasted almonds and Naan bread. (Korma is a deliciously creamy sauce with desiccated coconut and a delicately balanced blend of authentic spices with ginger, slight chili and coriander).

Ingredients:
4 chicken breast fillets (around 600g)
2 tbsp sunflower or vegetable oil
40g butter
2 onions, coarsely grated or very finely chopped
4 tsp ginger and garlic paste (you can also use fresh ginger and chopped garlic)
2 tsp ground cumin
2 tsp ground coriander
1 tsp ground turmeric
¼ tsp mild chili powder
2 tbsp mango chutney or 2 tsp caster sugar
300ml hot chicken stock
100ml double cream or yoghurt
Salt and black pepper to taste
1-2 tbsp toasted flaked almonds, to garnish (optional)
Fresh coriander leaves, to garnish (optional)
Naan bread

Method:
Pound each chicken breast between 2 layers of clingwrap so that it is thin and season generously with freshly ground black pepper. Place the oil, butter and onions in a pan and cook over a medium heat, stirring often for 10 min, or until the onions are soft and lightly browned. Stir in the ginger and garlic paste and ground spices and cook, stirring continuously, for a further 1 min.
Add the mango chutney and stock to the spiced onions and bring to a simmer. Cook for 5 min or until the liquid has reduced by roughly half, stirring regularly. (For an extra smooth sauce, blitz the mixture with a blender.) Heat 1 tbsp oil in a large non-stick frying pan and fry the chicken breast fillets over a medium-high heat for 5-6 min, turning occasionally. Transfer the chicken to a plate using a slotted spoon or spatula.
Spoon the Sauce on the Centre of the plate. Stack the chicken breast fillets on top of each other. Garnish the curry with toasted flaked almonds and scatter with fresh coriander, if you like. Serve with Naan Bread or Basmati Rice.

Rachel sit hoender op aartappel

Written by Liesl. Posted in Chicken Recipes

Na verlede week se kook is dit tyd om bietjie meer na ons gesondheid te kyk en daarom het Rachel Morwe van die Rustenburg Herald hierdie week vir ons ‘n besonderse lekker aartappelhoendergereg voorberei. Toe ek en my vrou verlede jaar in Moskou in Rusland was het ons gesien dat veral die Russe lief is vir ‘n gebakte aartappel met ‘n vulsel.
‘n Sekere kitskosrestaurant daar hol die aartappel uit, meng die inhoud met kaas (wat dan smelt) en hierdie mengsel word dan terug in die aartappel gesit. Dan voeg hul ‘n verskeidenheid bolae (waarvan jy jou gunsteling kies) bo-op.
Rachel se resep is baie dieselfde en hoort ‘n wenner te wees as ‘n vinnige aandete vir die hele gesin.

Bestanddele:

2 Medium/Groot aartappels (klaar gaar gekook in skil)
2 Groot hoenderborsies/3 medium grootte (in repies gesny)
1 Ui (opgesny)
250 g Sampioene (opgesny)
15 ml Bruinsuiker
10 ml Hoenderspeserye
50 ml Olyfolie
Sout en peper na smaak
1/2 Pakkie sampioensop
200 ml Melk/room

Metode:

Braai ui tot sag in olie. Voeg sampioene by en braai vir 2 min. Skep uit in bakkie. Braai hoender in dieselfde pan tot gaar. Voeg speserye en suiker by asook ui en sampioene. Roer. Maak soppoeier aan met melk. Voeg by vleismengsel.
Laat prut vir nagenoeg 5 min teen ‘n lae hitte. Indien dit meer souserig verkies word, voeg net ‘n bietjie kookwater by en roer deur.
Sny aartappels in helfte en elke helfte weer in die helfte. Sit die 4 helftes langs mekaar op die borde.
Skep hoendervulsel bo-oor die aartappels. Sit voor met ‘n mengelslaai. Geniet!

Danie se “Saterdagmiddag Rugby-Hoendertjie” ‘n wenresep!

Written by Liesl. Posted in Chicken Recipes

Dit is Saterdagmiddag. Die rugby is aan en die Bokke loop voor (‘n mens mag droom...). Die vrou en kinders is honger en hul gaan nie tevrede wees met net ‘n ou, droë hoender “flatie” nie – hulle soek voeding. Dit en kom ons wees eerlik, daardie kitskos-hoender is deesdae so duur hul het hul eie #pricesmustfall op Twitter. Maar jy is die man in die huis en dit beteken jy moet sorg!
Vinnig kry jy ‘n hoendertjie in die hande (hopelik nie self gevang in die strate van Rustenburg nie) maar as daar een ding is wat vinnig ‘n Saterdagmiddag rugby-kykery belemmer is dit ‘n stukkie smaaklose hoender. Gelukkig is daar onlangs ‘n briljante deurbraak in die kosmaakindustrie gemaak en hierdie wonderlike stukkie tegnologie gaan jou Saterdag (en die Bokke) van die knersende tande van smaaklosheid red: die Ziplock-sakkie.
Hierdie eenvoudige stukkie plastiek kan vir ‘n verskeidenheid resepte gebruik word insluitende omelette, jou blomkool-rys (vir julle Banting-boffins), roomys en selfs steak (as jy dink om steak te stoom is ‘n aanvaarbare manier van vleisgaarmaak!). ‘n Handjie vol lekker bestanddele en die mikrogolfoond maak die Ziplock-sakkie die held van hierdie storie.
Danie Coetzer het hierdie week vir die Rustenburg Herald se “Rustenburg Herald raak die klits kwyt”-seksie ‘n baie lekker “Saterdagmiddag Rugby-Hoendertjie” voorberei. Hoewel die marinade net ‘n paar minute neem om te maak gaan jou hoender vir ‘n

Bestanddele:

Een heel hoender

Marinade:

Een kwart rooi ui, fyn gekap
300g botter
Een eetlepel sout
Een eetlepel growwe peper
Een eetlepel vars gekerfde knoffel
Twee eetlepels appelkooskonfyt
Vars pietersielie en roosmaryn

Metode

Meng die bestanddele van die marinade in ‘n maatbeker en plaas vir twee minute in die mikrogolfoond of totdat die botter gesmelt is en die bestanddele goed meng. Roer die bestanddele en plaas dan in die Ziplock-sakkie. Plaas die heel hoender in die sakkie en laat marineer vir ongeveer een uur.

Braai die hoender vir ongeveer twee ure op die gas of braaier totdat dit goed gaar is. Gedurende die braai kan die marinademengsel oor die hoender gesmeer word. Sit die hoender dan met ‘n bykos, aartappelskyfies of selfs met sagte broodrolletjies voor.

search our recipes