Dis ‘n teer sakie

Posted in Editor's note

Elke week skryf president Cyril Ramaphosa ‘n brief aan die volk. From the desk of the president. Dit is iets wat gebore is uit die pandemie en het gou ‘n weeklikse instelling geword soos hy die nasie probeer opbeur, inlig, soms raas, maar oor die algemeen in gesprek is oor dit en dat.

Net nou die dag het iemand gesê President Cyril Ramaphosa moet dalk bietjie meer sy kantoor verlaat en tussen die mense begin beweeg, dan sal hy sien hoekom Suid-Afrikaners so mismoedig is. From a pothole ridden Klerksdorp. From a corrupt Bloemfontein. From a dry Karoo. From a devastated Durban. This is your President speaking.

Bring hom net in aanraking met realiteit en sy aansien sal moontlik styg onder sy kiesers. Tog, na die drama in Rustenburg by die Werkersdag-viering toe onse president na veiligheid gebring moes word, sal hy waarskynlik nie so geneë wees om “tussen die mense’’ te beweeg nie.

As ons kyk na die algehele verwoesting in dele van KwaZulu-Natal na die modderstortings lyk al die slaggate in Klerksdorp eintlik maar soos ‘n vulletjie, maar vir ons Klerksdorpers is dit ‘n teer saak (pun intended). Ons het net ‘n munisipaliteit in naam, met geen aksie nie.

Terwyl ons burgemeester nog na ‘n geskikte voertuig soek, is ons raad om een met breë bande te kry. Binne die begroting natuurlik.

UA-34805051-1 UA-34805051-1