BRITS POS – BRITS – Die departement van water en sanitasie in Hartbeespoort het bevestig dat verskeie sluise van die Hartbeespoortdam sedert Donderdag, 24 April daagliks, as gevolg van ‘n groot invloei, geopen is.
Donderdag om 14:00 was ses sluise op 300mm oop, uitvloei: 88 m³/s en invloei: 146 m³/s, omstreeks 17:50 is daar ‘n verdere twee sluise op 300mm oopgemaak met ‘n invloei van 124.2m³/s.
Vrydag omstreeks 15:00 was Harties nog 101,11% vol en vyf sluise was steeds oop, uitvloei: 61.80m³/s. Maandag, 27 April was die dam 100.2% vol en die uitvloei: 60.46m³/s, maar teen Dinsdag was die dam 98.89% vol, met ‘n uitvloei van 58.98m³/s en invloei van 25.13m³/s.
Nog reën word vir Donderdag voorspel en volgens die Suid-Afrikaanse Weerdiens kan daar oor die algemeen sonskyndae verwag word.
Die departement van water en sanitasie in Hartbeespoort het Maandag, 28 April die volgende statistieke van damvlakke deurgegee:
Hartbeespoort 100,2%
Buffelspoort 101,2%
Bospoort 103,4%
Lindleyspoort 101,0%
Roodeplaat 100,9%
Koster 100,8%
Klipvoor 106,2
Swartruggens 105,1%
Roodekopjes 90,5%
Marico-Bosveld 102,0%
Klein Maricopoort 102,6%
Kromellenboog 101,2%
Molatedi 111,7%
Sehujwane 101,1%
Madikwe 95,3%
Pella 72,1%
