Laerskool Brits se gholfspan, Ruvan Bosch, Merton Jacobs, Johan Steyn (bestuurder), MJ Steyn en Handre Bosch, het die voorreg gehad om die skool en Noordwes by die Nasionale Ernie Els gholf-toernooi te verteenwoordig. Die toernooi het by Rondebosch Gholfklub, in Kaapstad, plaasgevind en 14 top gholfskole in die land het hieraan deelgeneem.

BRITS POS – BRITS - Die Hervormde Gemeente Hartebeestpoort het verlede Saterdag die spreekwoordelike haas uit die hoed getrek en ’n uiters suksesvolle fietswedren, die C2U Bosveld MTB Challenge by die Brits Vliegklub in Rashoop aangebied.
Cycling South Africa (CSA) het dit as ‘n gruispad-wedren geklassifiseer en die roete het ook die sanderige Dikholo-pad ingesluit en ’n paar spruitdeurgange langs die kanaalroete.  

BRITS POS – BRITS – Die junior ringbalspelers (o.13) van die Noordwes-Oos (NWO)-span het tydens die Ringbal Suid-Afrikaanse nasionale kampioenskappe, wat onlangs op Korfbal Park in Pretoria gehou is, hulle talente behoorlik tentoongestel en algeheel vierde geëindig.

BRITS POS – BRITS – Die ontluikende talent van Retief Keun, ‘n gr.3-leerling van Laerskool Brits, was duidelik te sien tydens die Prestige Open-oefenkamp wat gedurende die skoolvakansie in Durban gehou is. 
Hy het vir die eerstekeer aan die 100m Vlinderslag-item deelgeneem en ‘n spoggerige brons- medalje losgeswem. Die brons medalje was vir Retief ‘n groot oomblik, maar wat sy oorwinning soveel meer onvergeetlik gemaak het, was toe sy held, die Olimpiese gouemedaljewenner, Chad le Clos, hom gelukgewens het.