BRITS POS – BRITS – Luca Otto (13) een van Yvonne Victor se kampioenswemmers, het tydens die onlangse Suid-Afrikaanse skole swemkampioenskappe in Bloemfontein vanaf 4 tot 7 April, homself as ‘n swemmer van formaat bewys.
Ten spyte van ‘n baie moeilike gala, met gure weersomstandighede, het hy sy slag gewys en lê tans vierde in die land met sy beste items.
Sy uitslae: 50m Vryslag (4de), 50m Borsslag (4de), 100m Vryslag (5de), 50m Vlinderslag (7de), 100m Borsslag (8ste), 50m Rugslag (9de), aflosse: 4x100m Vryslag (4de), 4x50 IM (4de), 4x100 IM (5de) en 4x50m Vryslag (6de).
Luca is nou besig met voorbereidings om aan sy eerste Suid-Afrikaanse Nasionale-kampioenskappe (SANJ) vanaf 25 tot 30 April in Kaapstad deel te neem.
“Ons sien met groot afwagting uit na dié talentvolle swemmer se deelname aan die SANJ,” sê Yvonne.
