Lorrie bars deur muur

Klerksdorp Rekord, Klerksdorp - “Die een oomblik het ons nog gebraai, en die volgende oomblik toe is daai lorrie amper bo op my.’’

Hilton Johannes het Vrydagaand 5 September ‘n noue ontkoming gehad toe ‘n swaar vragmotor deur die tuinmuur bars en in sy voorerf tot stilstand gekom het. “As dit nie vir die kragpaal was wat in die pad was nie, is ek seker die lorrie sou tot in my huis gery het,’’ het Johannes vandeesweek gesê.

Bevelvoerder vrygespreek oor Marikana

deur Salomé Kotzé

Klerksdorp Rekord, Klerksdorp - Salmon Vermaak is dalk vroeër die week onskuldig bevind en vrygespreek op aanklag van moord, maar die sielkundige letsels van die amper sewe jaar lange ‘’heksejag’’ teen hom, sal nie uitgewis kan word nie.

Hy beskryf homself as ‘n “gebreekte mens’’. “Ek is verbitter oor wat gebeur het. Vir 34 jaar het ek  my gewig agter reg en geregtigheid gegooi. ‘n Goeie polisieman gewees. Net om in die rug gesteek te word oor ek nie onder eed wou lieg en senior polisielede beskerm nie.’’

Sake hoop op teen stad se finansiële hoof 

Klerksdorp Rekord, Klerksdorp - Die munisipaliteit se finansiële hoof is weer in die spervuur oor betalings aan ‘n kontrakteur wat paraffien verskaf en aflewer.

Die DA se Johannes le Grange het op Maandag 9 September ‘n klagte van bedrog en korrupsie teen Mercy Phetla by die Valke gelê. Volgens rdl Le Grange is dit weer oor betalings aan dieselfde maatskappy waarvoor sy van korrupsie aangekla is.