Klerksdorp Rekord, Stilfontein - Die geluksgodin was aan die Bosmans van Stilfontein se kant toe hul motor binne ‘n uur nadat hy gesteel is, teruggevind is.
“Dit het alles so vinnig gebeur,’’ vertel Annelie Bosman van Cilliersstraat. Sy was besig om voertuie in haar oprit te skuif toe ‘n motordief ‘n kans waag om in die Ford Icon te klim wat in die hek staan. Die motorsleutels het op die passasiersitplek gelê.
Klerksdorp Rekord, Klerksdorp - ‘n Gesinshuis in Wilkeville het die afgelope naweek afgebrand.
Die groot grasdakhuis in Clairestraat was laatmiddag Saterdag 8 Februarie in ligte laaie. Die vermoede bestaan dat ‘n kortsluiting die brand veroorsaak het. Lisa Coetzee en haar tweeling dogters, Chenique en Chané was in die huis toe die brand ontstaan het.
Die laagwaterbrug in Leemhuisstraat is gevaarlik in die reën en ‘n motoris het dit op Donderdag 6 Februarie op die harde manier uitgevind. Die pad was nat na ‘n swaar reënbui en ‘n voertuig het skynbaar in die spruit beland nadat die bestuurder beheer verloor het. Die vermoede bestaan dat die voertuig ‘n groot plas water getref het. Dit het deur die reëling gebars en in die Skoonspruit beland. Action Force en die Songloed Buurtwag was op die toneel. Volgens ooggetuies is niemand beseer nie, net erg geskok. Die bestuurder is na ‘n plaaslike hospital vervoer en weer ontslaan. Foto: Afriforum Buurtwag.
Klerksdorp Record, Klerksdorp - The high density Operation Shanela to prevent and combat crime continues to ensure that perpetrators are brought to book. This after 1 051 suspects were arrested for various crimes around the province in the operations last week.
Klerksdorp Rekord, Klerksdorp - ‘n Tweejarige babaseuntjie het ernstige brandwonde opgedoen nadat hy ‘n beker met kokende water by die kleuterskool op hom omgekeer het.
Die polisie ondersoek die voorval om agter te kom deur wie se nalatigheid die kind se beserings veroorsaak is. Volgens kol Adele Myburgh, polisiewoordvoerder, word ‘n klagte van aanranding met die opset om ernstig te beseer en ‘n klagte van kinderverwaarlosing ondersoek.
“Die kleuterskool gee hul volle samewerking met die ondersoek en het kringtelevisiemateriaal vir die ondersoekbeampte gegee. Die forensiese span was ook reeds daar om foto’s van die klaskamer te neem.’’
Die gebeure by ‘n bekende kleuterskool in Wilkoppies is vir die kind se ouma ‘n bitter pil om te sluk. Sy het gevra dat nie sy of haar kleinseun geïdentifiseer word nie. Hy is in haar versorging.
Volgens die polisieverslag het sy hom op 16 Januarie om 06:45 by die skool afgelaai en 15 minute later die oproep gekry dat haar kleinkind gebrand het en dadelik mediese hulp nodig het. “Sy gesig, nek, skouers, bors en maag het erg gebrand. Sy het met hom na Wilmedpark gejaag,’’ sê Myburgh.
“Die kookwater was glo bedoel vir ‘n bababottel en hy het dit reggekry om die houer waarin dit was op hom om te keer.’’
Die trauma van daardie rit na die hospitaal sal die ouma altyd bybly. “Dit het nie gelyk of hulle eers noodhulp toegepas het op hom nie. Die velle het afgekom op sy lyfie. Dit is nie iets wat ek my grootste vyand toewens nie.’’
Die seuntjie het etlike dae in die hospitaal deurgebring, maar sterk nou tuis aan. Hy gaan vandeesweek weer ‘n plastiese sjirurg besoek.
Volgens kol Myburgh sal die polisie hul ondersoek voltooi en dan aan die staatsaanklaer voorlê vir moontlike vervolging.
