Klerksdorp Rekord, Klerksdorp - Die kelner wat verlede week nog in die hospitaal was nadat hy by sy eksmeisie se woonplek aangerand is, is uit die hospitaal ontslaan en sterk aan by sy pa in Rustenburg.
Michael Deysel is glo nog baie deurmekaar na die voorval en vrese bestaan dat hy moontlik breinskade opgedoen het. Hy is na bewering deur sy eksmeisie, wat swanger is met sy kind, se nuwe kêrel aangerand op 17 Mei.
Klerksdorp Rekord, Klerksdorp - Die ortotis van Klerksdorp wat vroeër vandeesmaand bebloed in sy tuin aangetref is, is steeds in die intensiewe sorgeenheid van ‘n plaaslike hospitaal.
Die vermoede bestaan dat Johan Faber (53) op 5 Mei aangerand is. Volgens die polisie het sy vrou haar beseerde man in hul tuin gevind toe sy by die huis kom.
Klerksdorp Rekord het verneem dat hy steeds in ‘n geïnduseerde koma is. Sy toestand is steeds kritiek.
Die polisie het bevestig dat ‘n saak van poging tot moord ondersoek word.
Klerksdorp Record, Stilfontein - The grandmother and her boyfriend who were arrested in connection with the death of a two-year-old child in Stilfontein, are still behind bars.
The case against Marietjie Niewenhuizen and Carel Fouché was postponed for the second time this week to May 27. It is suspected that they will apply for bail next week.
Klerksdorp Rekord, Klerksdorp - ‘n Kelner is steeds in ‘n kritieke toestand in Tshepong Hospitaal na ‘n vuisgeveg by sy eksmeisie se woonstel die afgelope naweek.
Die geveg het skuins voor middernag op Saterdag 17 Mei by Rentia Hof in Wilkeville gebeur.
Volgens ‘n ooggetuie wat naamloos wil bly, is Michael Deysel (35) glo deur sy swanger eksmeisie en haar nuwe kêrel aangerand en oor die kop geslaan.
Klerksdorp Rekord, Klerksdorp - Verlede week is vier gevalle van selfdood in Klerksdorp aangemeld.
Klerksdorpers was geskok oor die nuus van Kobus Steenkamp jr se dood vroeg Woensdagoggend 14 Mei. Dit was sy dogtertjie wat drie jaar gelede aan kanker oorlede is, se verjaardag. Hy is met ‘n skietwond aangetref op ‘n grondpad buite Klerksdorp. Hy was reeds dood.
