Klerksdorp Rekord, Hartbeesfontein - ‘n Egpaar wat diep spore op Orkney getrap het en nou op Hartbeesfontein woon, het verlede week hul 60ste huweliksherdenking gevier.
Schalk en Mienie Smith het vanaf 1965 tot Des 2006 op Orkney gewoon voordat hulle na Hartbeesfontein verhuis het waar hulle steeds woon. Albei was baie aktief in die gemeenskap en Schalk se drafskoene het Orkney platgedraf.
Hy was op sy dae ‘n kranige hardloper wat sy groen nommer met Comrades verower het. Mienie het weer fiets getrap en so het Orkney se mense hulle geken.
Na hulle vroeë aftrede waar Schalk ‘n personeelbestuurder by die myn was en Mienie by Jan Jacobs Boekhouers gewerk het, het hulle Flamingo Hardware in Orkney besit tot einde 2006. Die egpaar het op Vrydag 2 Oktober hulle 60ste huweliksherdenking gevier.
