Lolani Janse van Vuuren is ‘n o/13 spoedstapper. Sy het op 9 November die Noordwes-kampioenskap gewen en die rekord gebreek met ‘n tyd van 7.34. Op Saterdag 6 Desember het sy goud gewen by die ASA “Sub Jeugkampioenskap” in Bloemfontein. Sy is volgende jaar in gr 8 in Hoërskool Wesvalia.
Samie presteer by ASA Sub Jeugkampioenskap
Atletiekafrigter Jean van Staden en Bryan King (o/7) van Laerskool Saamtrek met sy 60m goud en 80m silwer medalje by die ASA Sub jeugkampioenskap wat op Saterdag 7 Desember gehou is.
Hoofseun stel die voorbeeld
Laerskool President se hoofseun van 2024, Xander Reyneke, het akademiese erekleure (goud) gekry tydens die prysuitdeling. Hy het ook erekleure vir leierskap ontvang, is as top presteerder in Afrikaans, Sosiale Wetenskap en EBW aangewys en het ‘n toekenning vir krieket as beste paaltjiewagter gekry.
Sakke vol trofeë
Jesse Taljaard en Suresh Adams van Laerskool President het albei sakke vol trofeë gekry by die prysuitdeling. Jesse is as die top presteerder in Engels, Wiskunde, Natuurwetenskap, Sosiale Wetenskap, Tegnologie en Kuns en Kultuur aangewys. Sy was ook die kultuurmeisie van 2024. Sy was onderhoofmeisie en het ‘n leierskaptoekenning daarvoor ontvang. Suresh, 2024 se onderhoofseun, het die sportpryse ingeryg. Hy het toekennings as beste kolwer, beste veldwerker en beste krieketspeler en atle-tiekseun van die jaar gekry. Hy is ook as die skool se sportseun van die jaar aangewys.
Laerskool President se toppresteerders
Laerskool President se top akademiese presteerders vir 2024 is Zac van der Merwe (gr 4), Jadon Amir (gr 6), Jesse Taljaard (gr 7) en Nohlan du Randt (gr 5).
More Articles …
