Klerksdorp Rekord, Klerksdorp - ‘n Fratsongeluk kan in ‘n oogwink plaasvind. Charmain en Willie Hurn het dit agtergekom toe hul geyser ontplof en die kokende warm water oor Willie gespat het.

Charmain was op Maandag 4 Maart in hul sitkamer toe Willie (53) in hul huis se die dak klim om te kyk hoekom water deur die dak drup. Dit was nie lank nie toe hoor sy ‘n harde slag en Willie wat gil van pyn. 

“Hy het om hulp geroep en ek kon die pyn en skok in sy stem hoor. Die geyser het gebars en al daai kokende water het oor hom gespat. Hy het gebrand tot by sy lieste en sy een hand het ook gebrand soos hy probeer keer het. Dit is sekerlik derdegraadse brandwonde. Toe moes ons hom nog uit die dak kry en die leer breek toe ook nog. Die duiwel was listig by my,” vertel sy ‘n dag na die voorval aan Klerksdorp Rekord.

Klerksdorp Rekord, Hartbeesfontein - Inwoners van Hartbeesfontein het met skok gereageer nadat twee Somaliërs wat ‘n wegneemeetplek op die dorp bedryf, Maandagaand 4 Maart betrap is dat hulle besig was om ‘n bees in die winkel te slag. 

Lede van die buurtwag het net na 20:00 daarvan te hore gekom en ‘n stokkie daarvoor gesteek. Die polisie is ook na die toneel ontbied. Die karkas is toe na ‘n perseel in Tigane geneem waar dit verder geslag en verwerk is. Die dier is glo vroeër die dag by ‘n plaaslike boer gekoop.

Klerksdorp Rekord, Klerksdorp - ‘n Diefstalsindikaat wat doenig is in Flimieda en Wilkeville slaan kort-kort toe op elektriese substasies wat dan veroorsaak dat die buurte telkens vir ure sonder krag is.

Rdl Jacky Basson van die DA sê sy is al raad op en doen alles in haar vermoë om die inwoners van wyk 16 te help. “Dit is ‘n krisis, want die hersteltyd van ‘n gevandaliseerde substasie neem tussen ses en sewe uur en voor herstelwerk kan plaasvind, moet elektrisiëns eers die probleem identifiseer. Elektrisiëns begin ook eers om 08:00 werk. So as ‘n substasie snags gevandaliseer word, kan inwoners tot 12 uur lank sonder krag wees,” sê sy.

Klerksdorp Record, Orkney - SAPS are cleaning up criminals in Orkney.

It started early morning on February 23 with Operation Mop-Up and police officers, detectives, members of the CPF were mobilised to address the problem of drifters in the area. WO Elize van Schalkwyk said these vagrants are a big problem in town and wander from place to place, eventually committing crime.

“CPF members began monitoring these wanderers a while ago, identifying them, watching where they sleep and what they do. We also found that burglary and theft cases increased over the past weeks, with a possible link to the drifters,’’ she said.

Capt Brent Browning took command of the operation and demolished buildings, parks, abandoned houses and alleys were searched where these people sought shelter. At the end of the day, forty men between the age of 18 and 55 years old were interviewed and profiled. “Two of them were linked to three different cases of rape, housebreaking and theft,’’ Van Schalkwyk said.