Klerksdorp Rekord, Klerksdorp - Altesaam 17 leerlinge van Laerskool Saamtrek gaan die provinsie by die SA Kampioenskap in atletiek verteenwoordig.
Die byeenkoms vind in Polokwane plaas van 24-26 Maart. Elf meisies en ses seuns gaan aan 24 items deelneem.
Jong sportsterre om dop te hou is Lehanke Beets (o/13) wat aan spiesgooi deelneem en vanjaar al ‘n rekord of twee laat spat het.
Hekkiesatlete wat ook sover puik vaar is Hayley Lues (o/13) en Shinell Prins (o/13) wat teen mekaar gaan deelneem.
Alto Wiggett (o/12) gaan in spiesgooi en gewigstoot deelneem en hoop om sy merk by die SA’s te maak.
