Klerksdorp Rekord, Klerksdorp - Altesaam 17 leerlinge van Laerskool Saamtrek gaan die provinsie by die SA Kampioenskap in atletiek verteenwoordig.
Die byeenkoms vind in Polokwane plaas van 24-26 Maart. Elf meisies en ses seuns gaan aan 24 items deelneem.
Kara Muller-van Schalkwyk het na ‘n hermerk van haar matriekeindeksamen vraestelle nog ‘n onderskeiding behaal. Die slimkop spog nou met sewe on-derskeidings en ‘n hoër gemiddeld nadat sy beter punte in Engels en Wiskunde verwerf het en nou ook ‘n onderskeiding in Fisiese Wetenskappe bygekry het. Sy het aanvanklik 6 onderskeidings gehad. Kara is tans ‘n student in Rekenaar- en Elektoniese Ingenieurswese aan die NWU. Sy het aan Hoërskool Wesvalia gematrikuleer.
Tsholofelo Chauke and Siyabonga Lemotlo from Western Reefs Primary School will both be competing in the SA athletic championships that will be held in Limpopo from 25-26 March. Tsholofelo (u/11) will be competing in the 80m and 100m track event. Siyabonga (u/12) will be competing in the 150m and relay event after winning gold in both events at the NW Championships. They are coached by Zainlee van Vuuren.
Drie atlete van Laerskool Orkney neem die einde van die maand aan die SA atletiekkampioenskap in Limpopo deel. Apha Mlenga, Dimpho Skoonberg en Morena Lekhoaba het eerste plekke verwerf by die afgelope NW byeenkoms. Apha was eerste in verspring en tweede in hoogspring. Dimpho was eerste in 200m hekkies, tweede in 200m en tweede in versping en Morena het ‘n eerste plek verwerf in 80m en ‘n tweede plek in 100m. Hulle word afgerig deur Franco Jacobs en Huibre Papenfus.
Karmen Marais van KHS in aksie tydens die eerste meisieshokkiespan se wedstryd teen Alberton op Saterdag 2 Maart. Die span verloor die stryd met ‘n telling van 1-2. Die ander spanne se uitslae is soos volg: o/14A wen 4-0, o14B wen 4-0, o15/A verloor 1-4, o15/b wen 1-0, o16A verloor 0-1, o16B wen 2-0 en die 2despan wen 3-1.
Foto: Mariette Visagie.
