Klerksdorp Rekord, Klerksdorp - ‘n Jong gholfspeler is besig om die gholfbaan aan die brand te speel.
Leonard Swart (14) is pas aangewys as Orkney Gholfklub se klubkampioen na tellings van 73 en 70. Dié KHS’er het ook al vroeër die Joburg Junior-toernooi gewen.
Volgens Leon Bevan, gholfkenner, neem die jongman sy gholf baie ernstig op. Leonard was reeds in die NW-hoërskolespan ingesluit, terwyl hy in gr 8 is. Volgens Bevan gebeur dit selde.
Leonard en sy familie is Mahikengers wat onlangs na Klerksdorp verhuis het.
