Klerksdorp Rekord, Klerksdorp - Twee sussies van Hoërskool Schoonspruit is in die SA-skole hengelspan opgeneem.
Melanie en Yolandie Jankowitz is albei verkies om die land te verteenwoordig by die SAFBAF (Suid-Afrikaanse Varswater Oewerhengel Federasie) toernooi wat 4-8 Oktober by Bloemhofdam plaasvind. Dit is die eerste keer dat twee sussies vir die SA-span gekies is.
Kostes om deel te neem aan die toernooi beloop ongeveer R11 500 per hengelaar. Dié sussies benodig hulp om hul deelname aan die kompetisie moontlik te maak. Skakel die skool vir meer info as jy dalk kan help om hul daar te kry.
