Klerksdorp Midweek, Potchefstroom - Die Abraham Kriel Kinderhuis se liggiefees elke Desember is al legendaries, nou gaan hul Winter Wonderwêreld die tonge laat klap. Die Winter Wonderland begin op Vrydag 27 Junie, sal duur tot 4 Julie en sal net soos die liggiefees, die moeite werd wees om te besoek. Die kaartjies kos R40 per persoon per dag en dit is reeds by Quicket beskikbaar. Kaartjies sal ook by die hek beskikbaar wees.

Klerksdorp Midweek, Klerksdorp - Die Portu-gese Saal was volgepak vir Laerskool Goudkop se manne-aand verlede week.
Volgens die organiseerder, Angelique Kleynhans, was daar meer as veertig tafels verkoop vir die fondsinsamelingsgeleentheid vir die skool. “Dit was ‘n reuse sukses, met die veiling en skenkings wat ook suksesvol was.’’

Klerksdorp Midweek, Klerksdorp - Die gees by Laerskool Saamtrek Vrydagoggend 6 Junie was aansteeklik met die fondsinsameling wat gereël is vir die siek laerskoolseun wat met bloedkanker gediagnoseer is. Kinders het opgewonde gelag en gesels, ouers het opgedaag en ‘n klomp brullende motorfietse het ook kom draai om hul hare in allerhande kleurvolle kleure te spuit ter ondersteuning van Chris Grobler.

Klerksdorp Midweek, Klerksdorp - Waar is die onderwysers? En waar is die geld heen?! Dit is in die middel van die skooljaar en daar is steeds meer as 29 000 vakante onderwysposte in openbare skole in Suid-Afrika. Hierdie poste moes reeds aan die begin van die skooljaar in Januarie gevul gewees het, aldus Fedsas.