deur Santjie van der Merwe

Uitgegee deur NB Uitgewers

 

In ​Weg is nie ’n plek nie herinner Santie van der Merwe ons hoe die liefde ons almal raak, en dat verlies soos ’n kooltjie bly smeul en onverwags weer kan vlamvat. Maar soms skenk die heelal vir ’n mens ’n beskermengel wanneer jy dit die nodigste het. Dit vertel die storie van Natasja wat na ‘n liefdesteleurstelling op die plaas Lelievlei beland en so haar lewe onherroeplik verander. Santie is gebore en getoë in Noordwes, en woon in Centurion. As tuisblyma het sy af en toe kortverhale geskryf. Eers ná haar kinders uit die skool is, het sy haar hand aan ‘n roman gewaag. In 2015 publiseer sy twee romans, en daarna, tot en met 2022, verskyn daar amper jaarliks ’n roman uit haar pen. Kry Weg is nie ‘n Plek nie by jou naaste boekwinkel.

deur Carla Cloete

Uitgegee deur NB Uitgewers

 

Wikus se wetenskaplike dagboek is Karla Cloete se debuutverhaal wat skreeusnaakse pret vir die middelouderdomsgroep inhou! Karla, ’n Suid-Afrikaanse HPCSA geregistreerde berader, ly soos haar karakter 

Wikus aan ADHD. Sy het nie een nie, nie twee nie, maar VIER grade onder die beld! Sy is ook ’n medestigter en direkteur van The Together Project, ’n nie-winsorganisasie wat fokus op gemeenskapsgeestesgesondheid deur kuns en die voorkoming van geslagsgebaseerde geweld. In Wikus se wetenskaplike dagboek besluit Wikus om ’n dagboek te hou vir een belangrike rede: Sy nuutste wetenskaplike eksperiment het, soos al die ander, verskriklik, verskriklik verkeerd geloop en hy wil uitvind waarom. 

 

deur Hans du Plessis

Uitgegee deur Lapa Uitgewers

 

Hierdie kosbare versameluitgawe van Innie skylte vannie Jirre: Griekwa­psalms en ander gedigte val saam met Afrikaans se 100-jaar-viering as amp­telike landstaal. Die geliefde en ontslape prof Hans du Plessis se verwer­-

kings van bekende Psalms en ander Bybelverse in aardse Griekwa-Afrikaans sal lesers opnuut aangryp en ontroer. Sedert die bundel se eerste verskyning in 2002 is daar meer as 100 000 eksemplare verkoop en die boek is ook daardie jaar deur die Christelike Boekhandelvereniging as die beste Chris-

telike boek aangewys. Die legendariese sanger Randall Wicomb het verskeie van die gedigte getoonset en opgevoer. Innie skylte vannie Jirre se Afrikaans-100-gedenkuitgawe is ’n waardevolle kleinood wat op elke liefhebber van Afrikaans se boekrak hoort.