Midweek - Community News

Black Friday bargains = debt December regrets

Klerksdorp Midweek, Klerksdorp - As everyone is gearing up for Black Friday this week, the National Financial Ombud (NFO) urges consumers to think twice before swiping their way into a financial hangover.

While seasonal discounts may offer short-term appeal, the long-term consequences of overspending on credit, including high-interest debt and depleted savings, can undermine essential financial goals and lead to post-holiday hardship. The NFO has also cautioned that digital fraud tends to spike during the year-end holiday season.

Meesterlike Deon Meyer stel nie teleur

Skorpio

Uitgegee deur Human & Rousseau

Lesersindruk deur Salomé Kotzé

Deon Meyer se naam loop hom vooruit. Hy is een van daardie skrywers wat maar net kan skryf, - en ons sal dit lees. Sy naam is nou al so herkenbaar op ‘n boekomslag soos die handelsname van Chappies, Simba en Rama (of eerder AK47, Klipdrift en Coke). As jy sien daar is ‘n nuwe Deon Meyer uit, vat jy net en betaal… jy sal later by die huis na die titel kyk.

Skryf in Afrikaans

Audrey Bierman van Orkney spog met ‘n paar toekennings wat sy die afgelope naweek by die Ink Skryf in Afrikaans prys-uitdeling gekry het. Sy het ‘n tweede plek in die Facebook prosa afdeling gekry en ‘n algehele agste plek in die volwasse gedigte afdeling. Daarmee saam is sy die naaswenner as Nuweling van die Jaar aangewys. Vyf van Audrey se gedigte en twee van haar kortverhale is in die jaar se Inskpraak bundels gepubliseer. Op die foto ontvang sy haar toekennings van Anzé Bezuidenhout, stigter van Ink Skryf in Afrikaans.

Nuut op die rak: Ruben Namibië en Cindy

deur Pieter van Zyl (uitgegee deur Tafelberg)

Ruben Lambrechts en sy gesin is oor die wêreld heen bekend vir hulle Namibiese plaaswerf waar ‘n verskeidenheid wilde diere dolgelukkig saam met die gesin woon. Meerkatte, grondeekhorings, vlakvarke, ystervarke en natuurlik Cindy die bobbejaan kan kom en gaan soos hulle wil. Die diere is nie troeteldiere nie en bly nie in hokke nie. Ontmoet meerkatte Minki en Jerry, vlakvarke Betsie en Bennie, Cindy die bobbejaan en vele meer in hierdie boek met ses stories vir kinders. Foto’s en illustrasies sorg vir volkleurdieremanewales op elke bladsy. Huisgenoot joernalis Pieter van Zyl het die skryfwerk gedoen en Clarabelle is ’n illustreerder, kunstenaar en kunsonderwyser. Die boek is geskik vir kinders van alle ouderdomme.

Nuut op die rak: Bonsaimeisies

deur Erla Diedericks (uitgegee deur Lapa Uitgewers)

Hoe lui die spreekwoord? Buig die boompie terwyl hy nog jonk is. In Bonsaimeisies gaan jy gril en ril oor hierdie gesegde. Die psigiater, Ann Marais breek weg na die Wonderberge, maar ’n vlaag ontvoerings vertroebel haar vakansie. Speurder Marnus Mostert vertel haar van die grieselrige manier waarop die ontvoerder sy jong slagoffers martel voordat hy hulle vermoor: Hy buig en snoei hulle soos Bonsaiboompies. Ann besef daar is net een mens wat hulle kan help: Samael de Kock, ’n martelspesialis, psigopaat en gevangene van Molenberg Psigiatriese Hospitaal. Kort voor lank is daar ’n vreesaanjaende magspel tussen Samael, Ann en die Tuinier, soos hulle die moordenaar noem. Intussen duik ander karakters op om sake verder te kompliseer: ’n Plantkundige vasgevang in haar verlede, ’n geheimsinnige byeboer, en ’n gasteplaaseienaar met weermaggeraamtes in die kas. Sal Ann die Tuinier kan help vastrek voordat hy weer sy snoeiskêr optel? Liefs nie vir sensitiewe lesers.