NOORDWESTER – MAREETSANE - Tydens die onlangse vergadering van die Mareetsane VLU, het die gasvrou vir die maand, Denise du Rand, lede bederf met ’n heerlike sojaboon-souttert en pakkies verskeie sojaboonhappies – van “trail mix”, gewone geroosterde bone tot kaneel-karamel.
Denise het duidelik baie navorsing gedoen oor die voedingswaarde, gebruike en voordele van die nederige sojaboon, wat as die VLU se produk van die jaar aangewys is.

NOORDWESTER – ZOETMELKSVLEI – Zoetmelksvleitak het ’n besige en leersame tydjie gehad tydens die jaarlikse streekkonferensie wat in Potchefstroom gehou is en die tak se lede goed presteer.
Beverley Killian ontvang ‘n derde plek met die voorsittersverslag. Marietjie van Rooyen ontvang ‘n derde plek vir die lid met die meeste punte in die handbreiwerk-afdeling op die konferensie. Magda Niemann ontvang ‘n derde plek met die Naaldwerkverslag asook ‘n sesde plek in Handvlyt met die Pirografie /Houtbrand op ‘n bord. 

NOORDWESTER – LICHTENBURG - Die Openbare Beskermer het die voormalige uitvoerende hoof van Eskom, Andre de Ruyter, vrygespreek van enige oortreding wat verband hou met bewerings van verkryging en nepotisme.
Dié ondersoek spruit uit ‘n klag van Eskom se voormalige hoofverkrygingsbeampte, Solly Tshitangano, wat de Ruyter van rassisme, nepotisme en magsmisbruik beskuldig het.

NOORDWESTER – LICHTENBURG - Die Majuba-veldslag word elke jaar tydens die laaste naweek van Februarie herdenk en derhalwe het Afrikaners onlangs weer van heinde en ver op die Majuba-plaas, 20 km suid van Volksrust, toegesak. 
Die feesprogram is afgeskop met ’n kanonskoot en kranslegging. Die aand is ’n fakkelloop teen die berg op gehou en die rooi vuurstreep het gesorg vir ’n asemrowende toneel.