BRITS POS – BRITS – Die drie mans, Jaco Kemp, Louis Coetzee en Gericke van der Westhuizen wat van die moord op Dumisani Phakathi in September 2023 aangekla is, het 29 Julie die slotbetoë in die saak teen hulle aangehoor.
Phakati is in September 2023 aangerand en daarna agter op ‘n bakkie van die plaas weg gery, toe polisie, tydens ‘n roetinepatrollie, op die slagoffer se lewelose liggaam afgekom het.
Die staataanklaer, Laurence More het in sy slotbetoë gesê dat al drie beskuldigdes op grond van ‘n gemeenskaplike doel aan die moord skuldig bevind moet word. Volgens More het die drie mans saam opgetree en dat daar later probeer is om van sy liggaam ontslae te raak.
Regter Portia Phalane het tydens die betoë uitgewys dat al drie beskuldigdes mekaar blameer en probeer om hulle eie rol in die moord te minimaliseer. “Die hof sal nie toelaat dat die verdediging net dié dele van die getuienis kies wat hulle pas nie,” het regter Phalane afgesluit.
Uitspraak word in Oktober verwag.
