Suzy is Bona Bona Wildsplaas se nuutste aantrekkingskrag! Dié honger baba kameelperd is vyf maande oud. Luke Schoeman, hoof-veldwagter, bars van trots oor hul nuutste toevoeging. Die dier se ma het haar weggegooi en die personeellede moes inspring met bottels melk vir voeding. Volgens Luke het hulle hard probeer dat haar ma haar moet aanneem, maar sy het net nie belanggestel nie. Besoekers kan Suzy besigtig. Skakel die wildsplaas om ‘n afspraak te maak om die kleinding te sien.
