22 Augustus 2025
Klerksdorp Rekord, Klerksdorp - Laerskool Saamtrek se eerste tennisspan het behoorlik naam gemaak tydens die afgelope Super 12-tenniskompetisie wat in Pretoria gehou is.
Die Super 12-reeks word deur 20 top skole uit vier provinsies gespeel. Die tennisreeks word op ‘n uitklopbasis gespeel en Laerskool Saamtrek het in die eerste rondte te staan gekom teen Constantiapark, Rustenburg, Van Riebeekpark en Kruinsig.
Drie van Hoërskool Schoonspruit se rugbyspanne eindig vanjaar die rugbyseisoen as kampioene. Die o/14, o/16 asook die tweedespan het hul liga gewen en as NW-wenners uit die stryd getree. Hier is die o14-span saam met hul afrigter. Tiaan du Preez.
Hoërskool Schoonspruit se o/16 rugbyspan saam met hul afrigter, Herman Badenhorst.
Hoërskool Schoonspruit se tweede rugbyspan saam met hul afrigters, Nic Swart en Grant Myburgh.
15 Augustus 2025
Klerksdorp Rekord, Klerksdorp - Hoërskool Schoonspruit het op Donderdag 7 Augustus hul Braveheart-tradisie voortgesit.
Dit is ‘n fondsinsamelingsprojek wat al sedert 2014 deur die skool aangebied word om fondse vir behoeftige leerlinge in te samel.
Vanjaar poog die skool om R90 000 in te samel (leerlinge het kans tot die einde Augustus) en die skool staan alreeds op R50 000.
Sowat 142 leerlinge het vanjaar die ysige water aangedurf!
Hoërskool Schoonspruit word 70 hierdie jaar en deel van die viering is ‘n revue wat groot opgewondenheid by die skool veroorsaak. Die eerste vertoning was ‘n spesiale konsert vir die stad se senior burgers en is op Woensdagmiddag 30 Julie by AGS gemeente aangebied. Dit was ‘n skouspel van kleur en klank en het die wintersdag omtrent opgevrolik vir die gehoor.
Klerksdorp Rekord, Klerksdorp - KHS staan die gevaar om hul plek in die Noordvaal-liga se plaatafdeling te verloor.
Met nog net ‘n handvol wedstryde oor, is KHS tweede laaste op die algehele punteleer in die liga na ‘n beroerde vertoning op die rugbyveld die afgelope naweek in Ermelo. Die eerstespan se vlag wapper nog sterk met ‘n stewige wen teen Ligbron Akademie (46-31). Die o/16A-span en o/14B-span het ook gewen met die ander spanne wat treurig gevaar het.
