Klerksdorp Midweek, Klerksdorp - Kersfees is nou baie naby en Kersliedere sal binnekort weer oral gehoor word. Coenie de Villers tree op 20 November by NG Goudkop op by die kerk se Kerssangdiens. Hy sing al bykans veertig jaar en hy het twintig albums uitgereik, en hy is ook ‘n bekende TV-aanbieder. Kaartjies vir Kersfees met Coenie is te koop teen R100 elk en kinders jonger as 12 jaar kan die vertoning gratis bywoon. Skakel 063 095 8147 om kaartjies te koop. Die vertoning sal om 18:00 begin.
