Klerksdorp Midweek, Klerksdorp - As die Matlosana Munisipaliteit nie teen Woensdag 5 November aan die Noordwes Hooggeregshof se bevel oor die Klerksdorp-rioolaanleg voldoen nie, sal AfriForum voortgaan om ’n klag van minagting van die hof in te dien.
Dit volg ná die munisipaliteit nie, soos die hof op 24 Julie vanjaar beveel het, elke drie maande ‘n omvattende verslag oor die vordering van herstelwerk, sekuriteitsmaatreëls en instandhoudingsplanne by die aanleg in Phuthaditjhabastraat ingedien het nie. Die bevel is gemaak nadat die munisipaliteit versuim het om ook aan ’n vorige bevel van 19 Januarie 2023 te voldoen.
Opgesluit om geld in te samel
Klerksdorp Midweek, Klerksdorp - Die stalletjiesmark wat naweke by die Pick n Pay Hipermark gehou word, se eerste mark vir November was ‘n rasende sukses. Tydens die mark is prominente Klerksdorpers in ‘n groot staalhok toegesluit om fondse in te samel vir die kankervereniging. Meer as R20 000 is ingesamel en die organiseerder, Tinus van Staden, het gesê die finale bedrag wat oorbetaal is, sal in Klerksdorp Rekord bekendgemaak word.
Nellie de la Rey, afgetrede bemarkingsbestuurder van Pick n Pay, is ook toegesluit en het ‘n raps oor die R3 000 ingesamel vir die goeie saak. Sy het al haar vriende bedank wat die goeie saak ondersteun het. Van Staden wat ook toegesluit was saam met die eienaars van Pro Watch Security, Cheryl Katz, Marius Niemand en ander, het almal bedank vir hul bydrae tot die fondsinsameling. Die volgende mark is op 29 November.
Aardklop se beste vertonings bekroon
Klerksdorp Midweek, Potchefstroom - Die Aardklopspan het Vrydagaand 31 Oktober die beste van die beste van vanjaar se fees by ’n toekenningsgeleentheid in die Kaap vereer.Hoewel die fees nie ’n kompetisie is nie - kuns is immers grensloos - is dié pryse tog jaarliks bedoel as aansporing vir die land se kunstegemeenskap om aan te hou kuns, dikwels te midde van uitdagende omstandighede.
Read more …Aardklop se beste vertonings bekroon
Inwoners kry ’n skoner Doringkruin
Klerksdorp Midweek, Klerksdorp - Die AfriForum-tak en die Doringkruin-buurtwag het in Oktober saam met inwoners en ondernemings in Doringkruin ’n buurtvernuwingspoging aangepak. Die eerste fase van hierdie projek het reeds op 18 Oktober begin. Dié span het onder meer die gras by Murantiweg en omliggende areas gesny en daar is reeds 1.6 ha tussen Soetdoring- en Boekenhoutstraat se gras gesny. ’n Stop-teken in Soetdoringstraat is ook vervang. Volgens AfriForum, fokus die projek op die herstel en instandhouding van plaaslike infrastruktuur, insluitend die vervanging van beskadigde padtekens, verwydering van vullis, gras- en bosbeheer, asook die netjies hou van parke en openbare ruimtes.
Oesfees, manne-aand die plek om te wees
Klerksdorp Midweek, Klerksdorp - As jy uitsien na ‘n boeredag waar die spiere gaan bult en die Boerboel-broekies styf span, is die Hervormde Kerk Doringkruin se Oesfees op 6 November net die plek om te wees.
More Articles …
