Lichstraaltjie Kleuterskool open hul deure amptelik op 1 Julie 1984 op die terrein van die AGS-Kerk in Lichtenburg met sewe kleuters. Nicolette Perry is as die eerste hoof van Lichstraaltjie Kleuterskool aangestel. Die getal kleuters groei fluks en in Januarie 1985 open die Kleuterskool met 78 kleuters en vyf personeellede. In Januarie 2000 gaan die Kleuterskool na 15 jaar ‘n nuwe era binne. Hulle word deel van Laerskool Lichtenburg, en sal voortaan as Lichstraaltjie Pre-Primêr bekend staan.
Het jy dalk griep?
NOORDWESTER – LICHTENBURG - Die griepseisoen begin binnekort en hierdie is wat jy moet weet om jouself te beskerm.
Wanneer begin die griepseisoen?
Gewoonlik begin die griepseisoen die afgelope 20 jaar (uitgesluit Covid tussen 2020-2022) gewoonlik tussen middel April en vroeg in Junie. Dit bereik ‘n hoogtepunt aan die einde van Junie of vroeg in Julie en eindig in Augustus of September.
Emrike Leersentrum groei en floreer
NOORDWESTER – LICHTENBURG - By Emrike Leersentrum, geregistreerde skool en nie-winsgewende organisasie, is die kwaliteit van onderrig die heel belangrikste. In die vyf jaar van hulle bestaan, is talle suksesverhale en positiewe terugvoer die bewys dat hulle op die regte pad is.
Daar is ‘n Voorskoolse Stimuleringsgroep, en Vlak R tot Vlak 10 klasse. Elke leerder word op meriete geplaas waar hy/sy gemaklik is. Hul volg ‘n rooster, werk in boeke en kry ook huiswerk as dit nodig is - nes ‘n regte skooldag. Omdat daar nie meer as tien leerders in ‘n klaskamer is nie, kry leerders individuele aandag.
Moenie uitmis op Hakbos Eco Challenge
NOORDWESTER – LICHTENBURG – 4 Mei 2024 is dié datum vir die Hakbos Eco Challenge wat net buite Lichtenburg by Hakboslaagte op die terrein van die Evangelies Lutherse Concordia-gemeente plaasvind. (GPS: S26 20.175 E26 11.959) Registrasie open om 06:30 en alle fietsryers moet 07:25 aanmeld by die wegspringpunt vir ‘n inligtingsessie. Aanlynregistrasie kan by www.entryninja.com gedoen word. Daar is medaljes en kontantpryse vir elke deelnemer. Bergfietsryers kan roetes van 70km, 40km of 15km aanpak.
Hervormers verwelkom nuwe predikantgesin
NOORDWESTER – LICHTENBURG - Vir negentien maande het die Nederduitse Hervormde Kerk, Lichtenburg gefunksioneer sonder ’n predikant in die gemeente. Ds. Lammert van Rooyen het in hierdie tyd as konsulent opgetree.
Hy het die kerkraad bygestaan en die nodige toesig gehou oor die gemeente.
Eredienste het elke Sondag plaasgevind en die nodige pastorale dienswerk is met groot sorg verrig.
Na ’n proses van twaalf maande in die soeke na die geskikte predikant vir dié gemeente, word hul gebede verhoor.
More Articles …
