NOORDWESTER – MAREETSANE – Mareetsane VLU het kinders onlangs op ‘n ‘ruimtereis’ geneem – danksy Nicholas Wessels se insiggewende en interaktiewe aanbieding oor sterrekunde. 
Met behulp van ‘n lig en ‘n aardbol het hy prakties gewys hoe ‘n jaar verbygaan en waarom ons seisoene soos somer en winter ervaar. Die rol van die pole en die ewenaar is beklemtoon om hierdie verskynsels beter te verstaan.

NOORDWESTER – LICHTENBURG - Na ses maande in die tuig gesels Noordwester met Marthinus Stoop, hoof (nie meer die nuwe) van Hoërskool Lichtenburg. 
Teen dié tyd het hy sy voete gevind en sê met gemak: “Ek is ‘n Liggie”. Om te verhuis vanaf Pretoria na Lichtenburg was uitdagend, maar hy sê dit was terselfdertyd goed om te leer hoe dinge hier gedoen word. “Nou groei ek.” 

NOORDWESTER – LICHTENBURG - Daar is nood vir komberse, oud of nuut en handdoeke by die Dierewelsyn. 
Die hokke is nie beskut teen die ysige winterweer nie. Die honde hokke is baie koud; beide buite en sementhokke. Elke donasie sal opreg waardeer word.

NOORDWESTER – MAREETSANE - Tydens die onlangse vergadering van die Mareetsane VLU, het die gasvrou vir die maand, Denise du Rand, lede bederf met ’n heerlike sojaboon-souttert en pakkies verskeie sojaboonhappies – van “trail mix”, gewone geroosterde bone tot kaneel-karamel.
Denise het duidelik baie navorsing gedoen oor die voedingswaarde, gebruike en voordele van die nederige sojaboon, wat as die VLU se produk van die jaar aangewys is.