GEMSBOK-KATHU: Kumba Iron Ore het amptelik ‘n nuut opgegradeerde sokkerveld aan die Gamagara Munisipaliteit oorhandig.
Teen ‘n totale beleggingswaarde van R7.7 miljoen het die 100m x 58m grasveldfasiliteit in 2021 ‘n gefaseerde konstruksieproses begin, met twee paviljoene, ablusiegeriewe en ‘n waterbesproeiingstelsel na voltooiing.
Die burgemeester van die Gamagara plaaslike munisipaliteit en Siyathemba wyksraadslid, raadslid Johan Roman, het die gemeenskap aangespoor om die sportveld te gebruik en te versorg.
“Vandag is ‘n wonderlike dag en as die munisipaliteit is ons bly. Ons is trots dat ‘n plaaslike kontrakteur aangestel is om die werk aan hierdie fasiliteit uit te voer. Hierdie sokkerveld behoort aan die Gamagara-gemeenskap en mense moet gerus hier geleenthede kom aanbied. Ons waardeer die bydrae wat Kumba gemaak het om dit moontlik te maak, werklik.”
Mnr Mhlanganisi Madlongolwana het gesê: “Hierdie projek wat al se-dert 2017 beplan word, is ‘n bewys van die vermoë van mense om dinge gedoen te kry, maar bowenal, om dinge saam te doen.
Die belegging wat in die veld gemaak is, is ‘n belegging wat ons toewyding aan die gemeenskap weerspieël. Ons wil graag die munisipaliteit bedank vir hul betroubare vennote dwarsdeur hierdie proses.
Om hierdie projek aan die gemeenskap te kan oorhandig gedurende Nelson Mandela-maand, maak ons ekstra trots.”