Die 2024-matriekuitslae sal op 13 Januarie bekend gemaak word, wat ’n sleuteloomblik vir Suid-Afrika se onderwysstelsel is. Die departement van basiese onderwys het Woensdag bevestig dat die matriekuitslae binne die volgende twee weke bekend gemaak sal word.
Vanjaar se resultate is oorskadu deur ’n regstryd tussen die departement van basiese onderwys (DBO), die Inligtingsreguleerder (IR) en AfriForum oor die publieke vrystelling van resultate.
AfriForum ondersteun die DBO se besluit.
Klasse om N|uu te red
GEMSBOK-UPINGTON: In ‘n poging om die uitsterwing van die pragtige San-taal - N|uu - te voorkom, om die kontinuïteit daarvan te verseker en om in al sy rykdom te laat herleef, het 7 Mei 2024 die begin van ‘n reeks N|uu-taalklasse geoormerk.
Die klasse wat op Dinsdae, Donderdae en Saterdae gratis aangebied is, is spesiaal vir baie kinders uit die !Khomani- gemeenskap wat in Upington woonagtig is.
Die begin van hierdie klasse, asook die sukses van die afgelope jaar, word as ‘n baie spesiale oomblik in die geskiedenis, van die hoogs bedreigde tradisionele N|uu-taal, wat deur die !Khomani- gemeenskap in die Noord-Kaap gepraat moet word, geag. Die kinders kry die unieke geleentheid om direk te leer by dr. Ouma Katrina Esau, die enigste oorlewende (vlot) spreker van die N|uu-taal, wat ruimhartig aangebied het om hierdie klasse vir ‘n hele jaar te onderrig. Sy word bygestaan deur haar kleindogter Claudia Snyman, wat ook ‘n bietjie kennis van die N|uu-taal en sy liedjies het.
AEL se “Klas van 2024” het 100% slaagsyfer
GEMSBOK-UPINGTON: Die Academy for Environmental Leadership SA (AEL) het teen einde 2024 hul jaarlikse gradeplegtigheid aangebied, waar die prestasies van die “Klas van 2024” gevier is.
Al die studente wat deelgeneem het aan die program, het hul Hoër Sertifikaat in Bewarings-ekologie verwerf, wat ’n 100% slaagsyfer vir die groep verseker het.
Die hoofrede vir die geleentheid is gelewer deur prof. Liesl van As, verbonde aan die Universiteit van die Vrystaat se Departement Dierkunde en Entomologie, wat die gegradueerdes en hul families gemotiveer het met haar inspirerende boodskap.
Polyco se omgewingspesialis, mnr. Nkopodi Mphahlele, het ook die seremonie bygewoon en die belangrikheid van vennootskappe vir volhoubare toekomsprojekte beklemtoon.
Jeaneigh blink uit by Miss & Mr State Ambassador SA
Jeaneigh Borghesi het uitstekend gevaar in Klerksdorp die naweek, tydens die Miss & Mr State Ambassador SA.
Tydens die kompetisie het deelnemer ook tieners in afgeleë skole gehelp met sanitêre en higiëne produkte en het ook die belangrikheid van ‘n skoolopvoeding beklemtoon.
Jeaneigh palm die volgende titels in:
Age 10-11
Best Contestant Souvenir
Best Judges Souvenir
CARLTON HOSTEL 1978 tot 1981 MANNEKOOR REüNIE
GEMSBOK-UPINGTON: Tydens 1978 het ‘n groep jong seuns, wat in die Carlton Van Heerden Hostel gebly het, ‘n sangroep, wat bekend was as die Choir Messengers, gestig.
As jeugdiges het hulle amper elke Sondag by verskillende kerke opgetree en vakansie-tye het hulle funksies in dorpe regoor die Noord-Kaap gehad.
Hulle het ook sang-aande gehou om hulself finansieel te ondersteun
Die lede het van oral in die Noord-Kaap gekom en selfs van Namibië die destydse Suidwes Afrika - waar hulle mekaar in die Carlton Van Heerden Hostel ontmoet het.
In 1979 het die groep ‘n gesogte mannekoor-beker in Die Aar gewen.
Sefls nadat sommige van die lede weggegaan het, om verder te studeer en gaan werk het, het die groep voortbestaan.
Nadat almal hulle Hoërskool loopbaan voltooi het, het die groep se bestaan voortgegaan en die fakkel verder laat brand - en het hulle nog ‘n kompetisie gewen.
More Articles …
