GEMSBOK-UPINGTON: Die SANParke Ereveldwagter Gholfdag wat op 23 Augustus in Upington plaasvind, is n fondsinsamelingsgeleentheid om projekte in die Ariede Parke te ondersteun.
Die SANParke streeksbestuurder vir die Ariede Parke, me Angela Isaks, sowel as die SANParke Ereveldwagter groepskoördineerder, Willie Engelbrecht, sal ook die dag bywoon.
Daar is groot pryse op die spel, onder andere naweke by drie van ons Nasionale Parke se eksklusiewe Wilderniskampe.
Die ere-veldwagters sien uit om baie van die Gemsbok lesers to ontmoet.
Navrae oor die Gholfdag kan gerig word aan Erica Wessels byThis email address is being protected from spambots. You need JavaScript enabled to view it. of 060 531 3268; navrae oor SANParke Ere-veldwagters kan gerig word aanThis email address is being protected from spambots. You need JavaScript enabled to view it.
Beth Engelbrecht, voorsitter: SANParke Ereveldwagter Ariede Streek skryf:
“ Nie almal is bekend met Ereveldwagters nie. Die SANParke Ereveldwagters as ‘ n korps van 1800 lede oor die land heen is georganiseer in 31 streke. Ons Ariede Streek is een hiervan met 20 lede verantwoordelik om 5 Ariede Parke te ondersteurn te wete Kgalagadi Oorgrenspark, Richtersveld, Augrabies Waterval, Namakwa en Meerkat Nasionale Parke.
“Ons lede se kundigheid en ervaringsveld baat by ‘n verskeidenheid beroepe, almal verenig in ‘n gesamentlike passie vir bewaring van beide die omgewing met sy ekosisteme, sowel as die geskiedkundige erfenis van ons Parke.
“Die Ereveldwagters doen diens in ons Nasional Parke as ‘n verlengstuk van die Parke se werkerskorps. ‘n Wye verskeidenheid dienste sluit in omgewingsopvoeding, biodiversiteitmonitering, verwydering van indringerplante, erosie begeer, sigbare patrollering van toeriste roetes, habitat rehabilitasie, wildtellings en navorsing, sowel as die insameling van fondse vir bewaringsprojekte. Om die ervaring van besoekers aan Parke te verbeter, is Ereveldwagters betrokke by voëlkyknaweke, interpretasiesentra, jeugopvoedingsprogramme en boskampe met interpretasieritte.”
