Verlede week het twee van Upington se grootste skole tydens die gewilde jaarlikse Groot Interjol in verskeie kultuur en sportkodes teen mekaar meegeding.
Hoërskool Upington het vanjaar die Groot Interjol Beker huistoe gevat en daar is behoorlik geseëvier.
Soos gewoonlik het goeie gees en sportmanskap by die verskillende wedstryde geskitter.
Daar is kop gekrap tydens die vasvra, geredeneer dat die spoeg spat en die twee skole het mekaar selfs om die skaakborde en op die gholfbaan die stryd aangesê.
Die skole se hokkie, tennis, netbal en rug- byspanne het ook die kans gehad om te wys wat in hulle steek en het beslis gesorg vir ‘n naweek vol pragtige sport.
Duineveld moes die knie buig vir Uppies wat die Gholf gewen het (55 teenoor 67 punte).
Velties se tennisspan het hul krag, spoed en presisie op die baan gewys en elke hou met styl en deursettingsvermoë gespeel! Hulle wen die tennis beker.
Velties se skaakspan het hul strategie en skerp spel met uiterste fokus en geduld gewys en gesorg dat die koning veilig bly!
Duineveld wen vasvra en redenaars 2025.
Tydens die Battle of the Chefs het Duineveld die Uppies chefs na vier jaar uit die kombuis gekook.
Die meisies se hokkie eerstespanne deel die beker, terwyl die Uppies seuns die beker voor die Velties Bloues met 0-1 weggeraap.
Uppies se eerste netbalspan het Velties in ‘n pragtige naelbyt wedstryd met 28 - 26 geklop en natuurlik het Uppies se eerste rugbyspan die groot interjol beker met 12 punte teenoor Velties se 10, huistoe gevat.
