Klerksdorp Rekord, Klerksdorp - Die nasionale trompoppiekampioenskap word volgende maand in Klerksdorp aangebied.
Die “Dance Drill, Cheerleading & Majorette Sport SA” se nasionale kampioenskap sal plaasvind van 12 tot 17 Julie by Hoërskool Wesvalia.
Kom kyk hoe SA se beste trompoppies en dansers hul talent, gees en dissipline op die nasionale verhoog vertoon.
Bring jou vriende en jou stem - kom moedig die atlete aan en vier die passie van prestasiesport.
Kaartjies is nou beskikbaar via Quicket. Kaartjies kos R70 per dag vir volwassenes, R50 per dag vir pensioenarisse en R30 per dag vir kinders jonger as 12. ‘n Kampioenskapspas sal jou R360 kos.
