NOORDWESTER – LICHTENBURG - Klein bietjies op ‘n slag maak ‘n groot verskil aan die einde van die dag.
Deesdae moet inwoners self inspring as hulle ‘n verskil wil maak aan die toestand van die dorp se paaie. Rousseau Vulstasie, Teunie Niemand, het weer ‘n plan gemaak met die hulp van AfriForum en die nodige materiaal geskenk en die verskil kan op die foto’s gesien word - dankie daarvoor!
Wat as besighede saamspan en/of die pad voor hulle eie besigheid regmaak? Nie net kan dit die besigheid help nie, maar dit maak ‘n verskil in ons dorp. Só kan inwoners bydra om die dorp se paaie rybaar te maak voordat dit reën.
Kom Lichtenburgers, daar is geld vir ander goed, paaie behoort een van die prioriteite te word. Saam kan ons ‘n verskil maak.
Skakel AfriForum wat baan-brekerswerk doen. Kontak Steyn Kearny op 082 371 5312.
