STELLALANDER-SCHWEIZER-RENEKE: Hoërskool Schweizer-Reneke nooi oud en jonk na vanjaar se opwindende Rondebult Hartklopfees, wat op Saterdag, 2 Augustus 2025, plaasvind. Dié musiekfees beloof om weer die dorp se harte te laat klop op die maat van top Suid-Afrikaanse kunstenaars. Die hekke open 15:00 en die pret hou aan tot laat! Kaartjies is heeldag beskikbaar by die hekke van 12:00 tot 21:00 teen slegs R200 per volwassene en R120 per kind (ouderdom 6 tot 13 jaar).
Kinders onder 5 jaar kry gratis toegang. Die aand se vermaak sluit vier groot kunstenaars op een verhoog in: Drommedaris Duo: 17:30 – 18:30, Juan Boucher: 18:40 – 19:40, Snotkop: 19:50 – 20:50 en Riaan Benade: 21:00 – 22:00. Bring jou eie kampstoel en koelhouer (R400 per koelhouer) en kom kuier saam onder die sterrehemel. ’n Verskeidenheid kostalletjies, ’n kuierarea en kroeg deur SAB, en die legendariese groot vuur ná die tyd sorg vir ’n egte plaasatmosfeer. Dié fees is bekend vir sy lekker kuier, warm atmosfeer en onvergeetlike musiek – as jy al daar was, weet jy: dis groot, dis lekker, dis warm en die musiek klop! Moet dit nie misloop nie – Rondebult Hartklopfees 2025 wag op jou!
