STELLALANDER-TLAKGAMING: Die boere van Leniesdeel en Tlakgaming het op Woensdag, 30 Oktober, vir die 10de agtereenvolgende jaar hande gevat om die Leniesdeel Vetveeskou aan te bied, ’n trotse mylpaal vir hierdie gevestigde landbouverenigings.
Die geleentheid het by die Tlakgaming Boeresaal en veilingskrale plaasgevind en was, soos elke jaar, ’n groot sukses met uitstekende deelname en puik uitslae. Volgens die organiseerders was die gehalte van die vee vanjaar van die beste in jare, en produsente het hul diere met trots vertoon.
Vryburg-vrou byt aanvaller en ontsnap verkragting
STELLALANDER-VRYBURG: Deur ’n ongelooflike daad van moed het die 55-jarige Doreen Ngakanyane van Vryburg ’n gewelddadige aanval oorleef toe sy op Vrydag, 31 Oktober deur ’n onbekende man met ’n mes in Galvinstraat, Vryburg oorval is.
Doreen was omstreeks 17:00 oppad om ’n hoender te gaan haal wat sy gekoop het, toe ’n jong man met kort dreadlocks, ’n langmou-hoodie, kortbroek en ’n tatoeëermerk op sy kuit skielik van agter op haar afgestorm het. Hy het ’n groot slagtersmes in die lug gehou en haar beveel om saam met hom in die bosse in te gaan.
“Ek het vir hom gevra of hy my wil verkrag of doodmaak,” vertel Doreen. “Toe raak hy net meer kwaad en gryp my aan my arm om my in te sleep.” Maar Doreen het haar nie laat onderkry nie. Sy het teruggeveg, haar voete geplant en teenkanting gebied. Toe die aanvaller haar probeer grond toe dwing, het sy hom aan die arm beetgekry om te keer dat hy haar met die mes steek.
Houmoed VLU bring hoop en kreatiwiteit na Laerskool Wildehondepan
STELLALANDER-WILDEHONDEPAN: Onder die tema “Ons kinders, ons toekoms” het die vrouens van Houmoed VLU onlangs Laerskool Wildehondepan besoek vir ’n kreatiewe en hartverwarmende projek. Slegs die voorskool-, graad R- en graad 1-leerders het aan die projek deelgeneem, waar elke kind ’n mussieprent ontvang het om in te kleur.
Die prente was kleurvol, uniek en het elkeen se verbeelding weerspieël. Daarna het die VLU-lede die kinders se ontwerpe tot lewe gebring deur die mussies volgens hul eie patrone te brei en te hekel.
Hartswater Toyota en Rocket Air span kragte saam vir ’n goeie doel
STELLALANDER-HARTSWATER: Hartswater Toyota het op Donderdag, 24 Oktober, ’n Toyota Knights-fondsinsameling aangebied met die doel om fondse vir ’n plaaslike liefdadigheidsorganisasie in te samel.
Die gesogte geleentheid is in samewerking met Rocket Air Ambulance gehou, wat saam met Hartswater Toyota hande gevat het om ’n verskil in die gemeenskap te maak.
Suspects back in court for murder of Ganyesa police officer
STELLALANDER-GANYESA: The two men accused of killing Constable Boikanyo Molale made their second appearance in the Ganyesa Magistrate’s Court on Monday, 3 November.
Constable Molale’s lifeless body was discovered at around 05:30 on Saturday, 25 October 2025, in the Thokoza Section of Ganyesa, near Vryburg. Preliminary police investigations revealed that the 30-year-old officer, who was attached to Ganyesa Visible Policing, had been assaulted by an unknown number of suspects. He was declared dead at the scene. Police have since arrested two suspects, aged 22 and 27, in connection with the murder.
Efforts are ongoing to trace additional suspects who may have been involved.
More Articles …
