GEMSBOK-SPRINGBOK: Namakwa Nasionale Park het sedert Maart 2025 goeie reënval ervaar, met gereelde opvolgbuie en koue weer afgewissel met sonnige periodes.
Hierdie ideale toestande het ‘n perfekte omgewing geskep vir vroeë ontkieming, veral onder die madeliefiespesies.
Warmer periodes gedurende die laat herfs en vroeë winter het lente-agtige toestande nageboots, wat vroeër as gewoonlik blom aanmoedig.
Tans het die blomme oor die park begin blom, alhoewel dit in sekere gebiede kol-kol is, dui dit net daarop dat die seisoen nog in sy baie vroeë stadiums is.
Die Skilpad-gebied en sy omgewing begin nou eers ontwaak, terwyl dele van die 4x4-eko-roete, insluitend Wildeperdehoek en Kookfontein, wat almal binne die Park geleë is, reeds vol helder kleure is.
As die gunstige weer voortduur, kan besoekers ‘n dramatiese transformasie in die komende weke verwag, met wydverspreide blomme wat waarskynlik binnekort sal volg. Boonop, indien die huidige patroon van koue weer en aanhoudende sagte reënbuie voortduur en die warm, droë oostewinde afwesig bly, kan besoekers uitsien na ‘n lang en skouspelagtige blomseisoen wat inheems is aan die Namakwa Nasionale Park.
Toestande is gunstig vir blomtyd om tot ver in Augustus en selfs tot September vanjaar te duur.
