Hierdie gimnaste is nlangs in die Noord-Kaap span opgeneem en gaan verteenwoordig binnekort hul provinsie by die Nasionale Gimnastiekkampioenskap vanaf 7-10 Oktober in Port Elizabeth. 

Die FSCA Finansiële Spraakkompetisie het amptelik in die Noord-Kaap afgehandel — en wat ‘n kragtige vertoonkas van jeuginsig en finansiële geletterdheid!
Graad 11-leerders het drie gewaagde onderwerpe aangepak: Die Skuldsiklus Verbreek; Die Sybeleggingsekonomie en Van Toelaag tot Belegging. Al 10 deelnemers het sertifikate en tablette ontvang ter erkenning van hul uitstekende pogings.
Top Presteerders: 3de Plek: Isabelle Witbooi, Hoërskool Oranjezicht — R10 000
2de Plek: Ashley Beukes, Saul Damon Sekiendere Skool — R20 000
1ste Plek: Olwethu Nikani, William Pescod Sekondêre Skool — R40 000 en ‘n plek by die Nasionale Finansiële Spraakkompetisie in Kaapstad! Hierdie jong stemme vorm Suid-Afrika se finansiële toekoms — een toespraak op ‘n slag.

Rooibye skitter by landloop. Laerskool Oranje Noord se landloop Rooibye het aan die ZFM Streeksuitdunne deelgeneem het en baie goed presteer. Die uitslae vir die medalje wenners is as volg:

GEMSBOK-UPINGTON: Amalawus FC, een van Upington se trotse sokkerinstellings, het in Julie 2025 geskiedenis gemaak met hulle promosie na die ABC Motsepe Liga, die semiprofessionele vlak van Suid-Afrikaanse sokker. 
Die klub, wat in 1979 gestig is, het oor die jare gegroei tot ’n pilaar van die plaaslike gemeenskap. Benewens hul senior span beskik Amalawus oor ontwikkelingspanne in die U13-, U15- en U18-afdelings, en hulle visie is om jong talent in die Noord-Kaap te ontwikkel binne ’n sorgsame en dissipline-gedrewe omgewing.

Na afloop van al die skietproewe is Zanru Broodryk en Dine Joubert gekies om aan die British Junior International Competition in Bisley, Verenigde Koninkryk, deel te neem.
Dit was ’n wonderlike ervaring vir die twee Veltie-skuts. 
In die eerste week het hulle Londen verken en talle besienswaardighede besoek. 
In die tweede week het die kompetisie in Bisley begin, waar hulle uiteindelik kragte kon meet teen skuts van ander lande.
Dine het deelgeneem in die o.21-pistoolafdeling. 

GEMSBOK-UPINGTON: Die SANParke Ereveldwagters van die Ariede Streek het Saterdag, 23 Augustus, hul eerste gholfdag in Upington aangebied. 
Die oorweldigende ondersteuning van die Gholfklub, die 18 borge vir gate sowel as die 21 borge vir nuttige pryse het verseker dat elkeen van die 20 spanne (80 spelers in 4-bal vennootskappe) kon wegloop met ‘n prys. 
Willie Engelbrecht, SANParke Ere-veldwagters groepskoördineerder van al  SANParke se Ariede parke, het spesiale SANParke Bewaringsvennoot toekennings oorhandig aan Willie Burger van die Upington Protea Hotel en aan Eric Walker van Walker Midas uit erkenning vir hul volgehoue steun aan bewaringsprojekte in die Ariede Parke.

Fitness Profound het vir die 2de opeenvolgende jaar ‘n suksesvolle Plaaskrag kompetisie aangebied met 38 deelnemers.
Dit was ‘n opwindende dag met baie uitdagings wat in 5 rondtes plaasgevind het. 
Van 60kg sakke tot 42 kg boomstompe en kruiwa stoot. 
Fitness Profound wil hul borge uitsonder en baie dankie sê vir hulle ondersteuning asook ons fotograaf, Tania Burger en ons Fitness Profound personeel.  En ‘n spesiale dank aan al ons wonderlike deelnemers. Ons sien uit na ‘n opwindende Plaaskrag kompetisie in 2026.

GEMSBOK-UPINGTON: Die SANParke Ereveldwagter Gholfdag wat op 23 Augustus in Upington plaasvind, is n fondsinsamelingsgeleentheid om projekte in die Ariede Parke te ondersteun. 
Die SANParke streeksbestuurder vir die Ariede Parke, me Angela Isaks, sowel as die SANParke Ereveldwagter groepskoördineerder, Willie Engelbrecht, sal ook die dag bywoon.
Daar is groot pryse op die spel, onder andere naweke by drie van ons Nasionale Parke se eksklusiewe  Wilderniskampe. 
Die ere-veldwagters sien uit om baie van die Gemsbok lesers to ontmoet.
Navrae oor die Gholfdag kan gerig word aan Erica Wessels by This email address is being protected from spambots. You need JavaScript enabled to view it. of 060 531 3268; navrae oor SANParke Ere-veldwagters kan gerig word aan This email address is being protected from spambots. You need JavaScript enabled to view it.

Upington Dorp het Saterdag die besoekende span van Williston verspot maklik met 62-19 geklop in ‘n Griekwaland-Wes superliga- B kragmeting hier op die Eiland-stadion. Die wenspan was rustyd voor met 29-7. Dorp se swaar agttal het met sy gewig-en lengte-voordeel die vaste fasette oorheers en die besoekers onder geweldige druk laat swoeg. Vir die tuisspan het hul agttal die fondament gelê vir die oorwinning terwyl die losskakel Cobus van Niekerk met sy kanonpoot die besoekers moedeloos gehad het met sy lang en akkurate lynskoppe. Vir Williston het hul heelagter Enslin Nel uitgeblink met sy gevaarlike dartellopies en was hy een van sy span se driedrukkers. Renaldo Seekoe, die plaasvervanger-haker van Williston was ook ‘n woelwater op die dag se spel.    * Puntemakers: DORP - 62. Drieë: Lian Liebenberg (3), Siphe Mzebenzi, Wilco Visagie, Michael Steyn, Rhozwin Scott, Crynauw Day en die plaasvervanger Riwaldo Thomas. Cobus van Niekerk het ‘n strafdoel en sewe drieë verdoel. WILLISTON - 19: Drieë - Enslin Nel, die plaasvervanger-haker Renaldo Seekoe en ‘n strafdrie. Clinus Willemse het ‘n doelskop behaal.            
Op die foto: Die briljante en aanvallende heelagter van Williston, Enslin Nel, nael hier sterk in Saterdag se kragmeting met Upington Dorp op die Eiland-stadion. Dorp se Nico van Rooi kom nader om hom te stuit. Die tuisspan het met 62-19 gewen.     * Berig: Nick Petorius

Verlede week het twee van Upington se grootste skole tydens die gewilde jaarlikse Groot Interjol in verskeie kultuur en sportkodes teen mekaar meegeding.
Hoërskool Upington het vanjaar die Groot Interjol Beker huistoe gevat en daar is behoorlik geseëvier.
Soos gewoonlik het goeie gees en sportmanskap by die verskillende wedstryde geskitter.
Daar is kop gekrap tydens die vasvra, geredeneer dat die spoeg spat en die twee skole het mekaar selfs om die skaakborde en op die gholfbaan die stryd aangesê.

Die Upington Dragons KK het op  Vrouedag Saterdag 9 Augustus 2025 hul Jaarlikse toernooi gehou by Laerskool Simbruner. Om hulle dank aan die skool te betuig het hulle ‘n ruiker aan die hoof, mev. J.C. De La Fontaine oorhandig.  Saterdag oggend is die verrigtinge geopen met gebed. Dragons voorsitter, mnr Willfred H.Matthys het die nodige spelkondisies aan die spanne verduidelik. Daar was 4 spanne wat aan die Wilfred Engelbrencht toernooi deelgeneem het. Daar was 2 spanne van Laerskool Simbruner, O/11& O/13 en ‘n 0/13 span van 
Orange Oewer.

GEMSBOK-KATHU: Kumba Iron Ore het amptelik ‘n nuut opgegradeerde sokkerveld aan die Gamagara Munisipaliteit oorhandig. 
Teen ‘n totale beleggingswaarde van R7.7 miljoen het die 100m x 58m grasveldfasiliteit in 2021 ‘n gefaseerde konstruksieproses begin, met twee paviljoene, ablusiegeriewe en ‘n waterbesproeiingstelsel na voltooiing.
Die burgemeester van die Gamagara plaaslike munisipaliteit en Siyathemba wyksraadslid, raadslid Johan Roman, het die gemeenskap aangespoor om die sportveld te gebruik en te versorg.