GEMSOK-UPINGTON: Die Minister van Sport, Kuns en Kultuur, mnr. Gayton McKenzie, het verlede week ‘n spesiale viering - ter ere van Ouma Katrina Essau  by die Upington Inn gelei.
Ouma Katrina word wyd erken as ‘n Lewende Menslike Skat en ‘n geëerde figuur in die bewaring van die N|uu-taal en Khoi-San kulturele erfenis.
Die N|uu-taal, wat deur die Verenigde Nasies as krities bedreig geklassifiseer is, is in 1973 amptelik as uitgesterf verklaar na die sistematiese marginalisering van inheemse tale onder apartheid en die afgedwonge oorheersing van Afrikaans in die openbare en ekonomiese lewe. 

GEMSBOK-KAKAMAS: Na maande se aanmanings, skrywes en berigte, het Werner Strauss, koördineerder van AfriForum in die gebied, verlede week geen verdere keuse meer gehad, as om ‘n kriminele klagte teen die Kai !Garib Plaaslike Munisipaliteit by die Groen Skerpioene te gaan lê nie.
Sedert Februarie vanjaar pleit die burgerregte organisasies al by die munisipaliteit om  die water en die rioolprobleme in Kakamas, Kenhardt en Keimoes, wat al minstens vyf jaar duur, te takel. 

GEMSBOK-UPINGTON: Finaliste vir die Mej. Upington Skoukoningin is onlangs bekend gemaak. Vanjaar samel al die finaliste geld in vir behoeftige kinders. Minke van Zyl, een van die finaliste, het besluit om, as deel van haar insameling, bokse by verskillende plekke neer te sit waar die publiek onbederfbare kruideniersware kan lewer. 
Bokse is by Die GEMSBOK 

Studente wat tans die beroepsgerigte sertifikaat in gemeenskapsveiligheid by NCR TVET College se Upington kampus studeer, het laasweek die voorreg gehad om die Upington Magistraathof se werksaamhede eerstehands te gaan observeer. Deel van hul kursus behels vakke wat die Inleiding tot Regte en Wette insluit. Hulle kon hofverrigtinge bywoon om sodoende die verskillende rolspelers van ‘n hof asook hofprosedures in praktyk, te sien.   Die NCR TVET studente is almal vlak 2 en vlak 3 studente. Hulle was vergesel deur hul twee dosente wat  beroepsgerigte vakke op die Kampus aanbied. Links is Nokubongwa Nkambule en Amorine Strydom

GEMSBOK-KATHU: AfriForum se Kathu-tak het onlangs twee noodwaterpunte in Olifantshoek opgerig om dié gemeenskap te help wanneer wateronderbrekings tref. 
Albei noodwaterpunte is in Lukinstraat geleë.
Daar is ernstige watertoevoerprobleme op Olifantshoek, wat veroorsaak dat inwoners gereeld langdurige wateronderbrekings moet verduur. 
Ingevolge artikel 27(1)(b) van die Suid-Afrikaanse Grondwet is toegang tot veilige drinkwater ’n basiese mensereg. 
Hierdie reg word verder deur die Waterdienste Wet 108 van 1997 ondersteun.

UPINGTON: Die Noord-Kaap Vigs Forum (NKVF) is byna 30 jaar gelede onder leiding van wyle Babst Karsten gestig toe die vigspandemie op sy ergste was. Sedertdien is die organisasie deur verskillende bestuur en uitvoerende hoofde gelei. 
Die bekendste onder hulle is Jeff van der Merwe, 'n gewese direkteur van onderwys, wat tot 'n groot mate die fondament van die organisasie gelê het. 
Ds. Johannes Moroeroe was ook vir etlike jare die voorsitter. Mnr. Rudolph Saal, 'n voormalige skoolhoof en tans 'n DA-raadslid van   Upington, was ook vir 'n hele aantal jare die voorsitter en tesourier onder ds. Moroeroe. 
In 2022 het Saal aangebied om as voorsitter te dien toe daar nie een gevind kon word nie.

GEMSBOK-UPINGTON: ‘n Nuwe spesie van Dwerggeitjies (Goggia: Gekkonidae) is deur ‘n span van vier navorsers in die Noord-Kaap ontdek. 
Suid-Afrika se nuutste reptiel is die Gravel Pygmy Gecko (Goggia sabula sp. nov.), wat die eerste keer in Desember 2020 deur Courtney Hundermark opgemerk is - terwyl hy na reptiele aan die voet van ‘n rotsagtige koppie gesoek het. 
Destyds het hy dit erken as ‘n lid van die genus Goggia (dwergblaar-geitjies), maar het opgemerk dat dit niks soos die enigste bekende spesie uit daardie gebied lyk nie.

Baie Upingtonners ken haar, die rooikop sangeres en sangskool juffrou van Upington. Juanita Lourens oftewel Jewels het geen bekendstelling nodig nie.
Vanaf September 2023 sing sy op sosiale media waar sy op haar Tik Tok profiel optree as die Jolende Klossiekop.
Sy het onlangs die aandag getrek van ‘n bekende Tik Tokker, @Arie, asook die digitale tydskrif Unplug. Unplug het ‘n onderhoud met haar gedoen en @Arie het verlede week ‘n ook “live” met haar gesels. So leer ken al hoe meer mense haar. Wat vir Juanita lekker is van die direkte optredes, is dat sy vir ‘n wye gehoor kan sing en dat haar gehoor boonop oor die hele land en ook oorsee is.

GEMSBOK-UPINGTON: Hoërskool AJ Ferreira se Klas van ‘94 het onlangs ‘n baie geslaagde reünie gehou. Dit was die eerste matrieks sedert 1988 wat ‘n reünie gehou het. 
Die geleentheid het vriende van verskeie stede bymekaar gebring en dit was werklik ‘n onvergeetlike ervaring. Die reünie was ‘n viering van hul gedeelde herinneringe, vriendskappe en gemeenskap. 

GEMSBOK-UPINGTON: Daar word ‘n groot Gospel prysuitdeling vir 26 September in Kimberley beplan.
Dr. Dorothy Mazingani, wie al verskeie Gospel pryse gewen het, het haar daartoe verbind om Gospel-kunstenaars in die Noord-Kaap te vereer.
Sy en haar span is besig om die Diamond Gospel Music Awards, wat in die Noord-Kaap Teater aangebied gaan word, te reël.
In ‘n onderhoud met die Gemsbok het Dorothy gesê, “Gospel kunstenaars in die Noord-Kaap word nie herken nie. Vir ander genre is daar toekenningseremonies, maar nie vir Gospel kunstenaars nie.
Dorothy is onder andere, verlede jaar aangewys as die beste vroulike Gospel kunstenaar by ‘n funksie wat in Kaapstad gehou is.
Sy noem dat almal in die Gospel-bedryf kan inskryf vir die kompetisie. Daar is 34 afdelings. Skrywers, digters, rymkletsers, Christelike sangers, radio-aanbieders ens, kan inskryf. Nominasies het reeds geopen en kan tot 15 Mei gedoen word.

Ouma Chrissie Boesak het onlangs haar 106ste verjaarsdag saam met vriende en familie gevier.
Sy is gebore op Niekerkshoop, maar het reeds in 1952 na Upington getrek. Ouma Chrissie het 10 kinders in die lewe gebring - 5 dogters en 5 seuns. Sy is die trotse ouma van 52 kleinkinders en 29 agterkleinkinders, dan is daar ook nog agter-agter kleinkinders. Ouma Chrissie geniet nog goeie gesondheid, sy is helder van verstand, hou van gesels. Dit gaan nog goed met haar en haar kinders kyk mooi na haar. Ouma Chrissie se familie wens haar God’s rykste seën toe.

Die Verenigende Gereformeerde Kerk op Upington vier vanjaar sy 150ste bestaansjaar en ‘n verskeidenheid van feestelike geleenthede word tans beplan om dit ‘n onvergeetlike gebeurtenis in die anale van die Kerk se ryklike geskiedenis te maak. 
Die hoogtepunt van al hierdie beplande feesvieringe sal in die maand van Oktober plaasvind, het ds. Johan Julies, die konsulent van die VGK gesê. 

Op die foto verskyn hy saam met die 39 nuwe lidmate van Upington, Karos en Louisvale wat Sondag, 6 April,  die geskiedkundige openbare “Belydenis van Geloof” tydens dié kerk se 150ste bestaansjaar afgelê het.
 ‘n Verheugde ds. Julies het tydens hierdie spesiale geleentheid die Woord bedien na aanleiding van Josua 24 (“Ek en my huis sal die Here dien”), asook die Heilige Doop en Nagmaal. Heel regs verskyn Elbie Strauss, ‘n ouderling van die kerk.            
                            * Foto: Nick Pretorius