GEMSBOK-KAKAMAS: Die wenners van die 2023/24 ORPA-Tafeldruifblokkompetisie is tydens die terugvoergeleentheid en prysuitdeling, wat op 18 Maart 2024 by Dundi Lodge naby Augrabies gehou is, bekend gemaak.
Ses jong produksieblokke en tien volwasse blokke, verspreid vanaf Onseepkans tot by Kakamas, het ingeskryf. Twee blokke het onttrek omdat hulle begin oes het.
Die beoordelaarspan was Eunice Avenant (SATI & SU), Petrie de Kock (BASF), Trix Quixley (Nexus), Stefan Jordaan (Raisins SA) en Jan Avenant (Onafhanklike Navorser).
Dis Paastyd en daar is min snoek
GEMSBOK-POT NOLLOTH: Kleinskaalse vissers het die afgelope week hul kommer uitgespreek oor die verskaffing van snoek ter voorbereiding van Paasfeesvieringe, aangesien die Departement van Bosbou, Visserye en Omgewing (DFFE) die daaglikse vangsbeperkings vasgestel het.
Dit volg nadat die DFFE die hulp van die SANW ingeroep het toe hy verskeie vaartuie op die Hondeklipbaai-slipbaan in die Noord-Kaap geïnspekteer het.
Maria Welcome, woordvoerder van die omge-wingsorganisasie Green Connection, het gesê vissers langs die Weskus sukkel met kwotas om aan die eise van visvoorraad te voldoen.
SA Poskantoor gaan 235 takke landwyd sluit, sê Gungubele
GEMSBOK-UPINGTON: Rhino Sekuriteit op Upington het die volgende video geneem - nadat hulle na die SA Poskantoor se sorteer fasiliteit (die hub) ontbied is. Vandale het behoorlik die plek ingevaar en grootskaalse skade aangerig. Dit is waarkynlik wanbestuur en insidente soos hierdie wat daartoe lei dat 235 poskantoortakke landwyd gaan sluit.
Van die Gemsbok se lesers wou die afgelope week, met reg, weet - waarom die ongebruikte geboue, soos die poskantoorsorteeraanleg, nie beskikbaar gestel kan word vir jeugontwikkelingsprogramme en ander NGO’s nie.
Sowat 235 SA Poskantoortakke gaan ge-sluit word, wat daartoe lei dat werknemers afgelê word, ná die afhandeling van die artikel 189-proses wat deur die Kommissie vir Versoening, Bemiddeling en Arbitrasie uitgevoer is.
Jong prokureur behaal besondere prestasie
GEMSBOK-UPINGTON: Stefan Niemann van Lange Carr & Wessels Prokureurs op Upington het onlangs ‘n besondere prestasie behaal toe hy binne ‘n jaar toegelaat is as prokureur,
Aktevervaardiger en notaris nadat hy aan alle kriteria daarvoor voldoen het en alle toelatings eksamens geslaag het. Alhoewel Stefan nie die eerste praktisyn van Lange Carr & Wessels is om al drie daardie kwalifikasies te verwerf nie, het hy by verre dit die vinnigste vermag.
Pupkewitz MegaTech nou in Upington
‘n Dag vol “ene” … Pupkewitz Megatech het op 1 Maart 2024 sy deure oopgemaak by Nr 1 Toekomsstraat in Upington, die 1ste Suid Afrikaanse tak onder die Pupkewitz Groep.
Die geleentheid is bygewoon deur raadslid Adam Visser van die Dawid Kruiper Munisipa-liteit, mnr Brian Rubinstein, Pupkewitz Holdings direkteur; mnr Eugene Shepherd, Pupkewitz Groep finansiele direkteur, mnr Morne Nell, Pupkewitz Megatech besturende direkteur, Linda Shitumbapo, hoof van Hernubare Energie vir Pupkewitz Megatech en mnr Gert Burger, Pupkewitz Megatech se finansiële direkteur.
Raadslid Adam Visser en mnr Brian Rubinstein het die rooi lint geknip en die winkel amptelik oop verklaar.
Skaap en Bees Voerkraaldag
GEMSBOK-UPINGTON: As deel van die Upington Landbou Expo se program, word daar weer die jaar ‘n Slagkompetisie by Desert Beef Abattoir gehou.
Desert Beef/Boomplaas bied op 3 April weer ‘n Skaap & Bees Voerkraaldag aan. Daar gaan ‘n vol program vir belangstellendes aangebied word.
Mnr. Gert Fourie, sameroeper van grootvee by die skou, vra boere om die dag by te woon. Baie moeite word gedoen om die diere voor te berei en om die dag te reël.
Patente-kompetisie by die skou
GEMSBOK-UPINGTON: Tydens van- jaar se Landbou Expo wat van 4 - 6 April 2024 gehou word, word daar ‘n Patente kompetisie gehou.
Maak seker jy skryf jou unieke uitvindsel of patent in die kompetisie.
Kontak Mandie by 082 672 6914 om jou patent in te skryf. Inskrywing is gratis. Baie lekker pryse geborg deur ons twee borge KLK en KaapAgri.
Daar is hierdie jaar heelwat nuwe uitstallers by die Landbou afdeling. Een van die uitstallers gaan Vrydag en Saterdag, ‘n demonstrasie lewer oor hoe om jul dragtige diere te scan.
Produkte wat hul verkoop is:
*Skanderings masjiene
*Mikroskope
*KI Toerusting
*Nitrogen Tank vir Semen.
Veteraanmotors doen dit weer na George
GEMSBOK-UPINGTON: Soos vorige jare het ‘n klompie lede van die Kalahari Oumotorklub die jaarlikse George Ou-motorskou bygewoon.
Vanjaar se uitstalling, was van besondere hoë gehalte, met meer as 1000 motors wat uitgestal is. Meer as 13 000 besoekers het die Saterdag deur die hekke beweeg. Die belangstelling was so groot dat die organiseerders vanjaar addisionele uitstalruimte geskep het om meer voertuie te akkommodeer.
Vanjaar se tema het gefokus op Duitse voertuie met Merecedes Benz, Volkswagen, BMW, Porsche en Borgward veteraanmotors wat baie goed verteenwoordig was.
Kalahari VLV-takke woon Konferensie by
GEMSBOK-KURUMAN: Die drie takke van VLV Sirkel Kalahari, naamlik Reivilo, Vryburg en Kuruman het op Woensdag 6 en Donderdag 7 Maart 2024 op Reivilo saamgetrek vir die jaarlikse Sirkel Konferensie.
Opgedollie in “vintage”-kleredrag, het die dames na interessante sprekers geluister, opgewondenheid gedeel oor kompetisie-uitslae en trofeë, heerlike eetgoed geniet, vriendskappe gesmee en net lekker saam gekuier.
Reivilo, onder leiding van hul 22-jarige voorsitter, Lize-Mari Pretorius, het hul goed van hul taak gekwyt om ‘n Konferensie van hoogstaande gehalte aan te bied!
SANParke en Namibiese veldwagters werk saam teen stropery
GEMSBOK-SPRINGBOK: Veldwagters van die |Ai-|Ais/Richtersveld Oorgrenspark het kragte met hul Namibiese eweknieë saamgesnoer, tydens ‘n gesamentlike rivierpatrollie, langs die Oranjerivier.
Die twee groepe het drie jaar laas saamgewerk, as gevolg van die Covid-19 pandemie.
Die gesamentlike patrollie, ‘n integrale deel van die bestuur van die |Ai-|Ais/Richtersveld-oorgrenspark (ARTP), het ten doel gehad om die ongebreidelde onwettige kiefnetaktiwiteite wat die visbevolkings in die gebied vernietig het, aan te spreek.
Kst spoor vermiste persoon in Londen op
GEMSBOK-UPINGTON: Die uitmuntende dienste van ‘n polisie kontabel van Rosedale het die afgelope week die harte van derduisende Gemsbok-volgers op sosiale media aangeraak.
Dit volg nadat ‘n ontstelde bejaarde egpaar, mnr en mev Fritz van Rosedale, die polisiestasie onlangs besoek het - in ‘n poging om hulp te soek om hul dogter - met wie hulle kontak verloor het in Londen in die Verenigde Koninkryk - op te spoor.
Die aangewese vuurwapenbeampte, konstabel Mirjam Bock, verbonde aan Rosedale SAPD - het gehoor van hul lot en die ekstra myl gestap.
Upington Campus vier Gewapende Magtedag
GEMSBOK-UPINGTON: Upington Campus van die NCR TVET College het op 21 Februarie ingeskakel by die internasionale veiligheidsgemeenskap vir die viering van Gewapende Magtedag.
Hierdie is ‘n groep studente wat vir die nuwe kursus by Upington Kampus in 2024 geregistreer het. Die kursus word Veiligheid in die Gemeenskap (Safety in Society) genoem en is ‘n driejarige nasionale beroepsgerigte kwalifikasie wat oor vlak 2 en vlak 4 strek.
Die student se kennis van die beginsels van Suid-Afrika se wette word verbreed en hy of sy word opgelei om deel te raak van die po-ging, om die gemeenskap ‘n beter en veiliger omgewing te maak.