UPINGTON: "U innemende persoonlikheid en standvastige karakter kan steeds 'n groot bydrae lewer aan ons skoolgemeenskap en aan u gesin," het die voormalige skoolhoof van die Primêre Skool Rosendal, mnr. Deen Mouton hier aan gaste gesê tydens mev. Veronica van Wyk se afskeid uit die onderwys verlede Vrydagaand in die Desert Palace Casino.
Mev. Van Wyk (63 jr) was vir 40 jaar in die onderwys waarvan sy vyf jaar as prinsipaal van Rosendal gedien het vanaf 2019 tot vanjaar.
"Ek is baie dankbaar vir die geleentheid wat ons Hemelse Vader vir my gegee het om as opvoeder my gemeenskap op hierdie wyse te kon dien", het sy gesê.
Studente oorkom teëspoed om sukses te bereik in Kinder- en Jeugsorgwerk
KIMBERLEY, NOORD-KAAP – 23 Oktober 2024 het ‘n belangrike geleentheid gemerk vir ‘n groep toegewyde leerders van Kimberley, wat hul kwalifikasie in Kinder- en Jeugsorgwerk gevier het by die Horse Shoe Inn in Kimberley.
Hierdie merkwaardige prestasie is die hoogtepunt van hul harde werk en deursettingsvermoë deur die Continuing Education for Africa (CEFA) program in samewerking met die Departement van Maatskaplike Ontwikkeling.
Ten spyte van talle uitdagings, het hierdie individue van regoor die Noord-Kaap onwrikbare toewyding aan hul studies en persoonlike groei getoon.
CEFA (Continuing Education for Africa), ‘n nie-winsgewende organisasie, het die platform voorsien vir hierdie leerders om noodsaaklike vaardighede en kennis in Kinder- en Jeugsorgwerk te verwerf.
Karos Intermediêr vereer vir puik vordering
UPINGTON: Education Platform het onlangs hulle jaarafsluiting hier in die ZFM distrik gehou. Hulle het ook van hierdie geleentheid gebruik gemaak om die skool wat oor die laaste drie jaar die beste verbetering getoon het, aangewys.
Alhoewel nie ‘n skool of kollege is nie, verskaf Education Platform, ‘n groot verskeidenheid van Opvoeder-, SBS-, SBL-, Leerder- en Ouer-opleidings en -ondersteuning.
Hierdie diens word verskaf deur ‘n passievolle span onderwysspesialiste, met meer as 300 honderd jaar ondervinding onder hulle 11 spanlede in onderwys, leierskap, fasilitering, leiding, ondersteuning, motivering en opleiding.
Die Education Platform program, verskaf voortdurend opvoedkundige oplossings aan leerders, opvoeders en ouers, deur effektiewe, maklik-gebruikte rekenaarsagteware, tegnologie, uitgewerkte Power Point-lesse in Wiskunde en Wetenskap, van Gr R tot Gr 12 in beide Engels en Afrikaans.
Frank Biggs se presteerders kry sertifikate
GEMSBOK-LOUISVALE: Frank Biggs het ‘n glansgeleentheid gehou om leerders wat akademies en op sportgebied presteer het te vereer.
Ouers en top leerders het byeengekom om sertifikate en trofeë vir uitmuntenheid te oorhandig. Leerders vanaf graad 1 tot graad 8 is vereer vir die verskillende vakgebiede en die top drie leerders vanaf graad 4 tot 8 is ook vereer en die wenner in elk van die genoemde grade het ‘n wisseltrofee ontvang.
“‘n Afgeronde leerders is die wat presteer op akademiese en sportgebied om die kind holities te ontwikkel tot volwassenheid”, aldus mnr. Wally Cloete (prinsipaal).
Kleuters dra by tot diere welsyn
Die kleuters van Voetstappies Kleuterskool het onlangs die Upington Dierewelsyn ondersteun deur kos in te samel. Juffrou Katryn Smith sê die skool het ‘n ook kontantbydrae gegee vir ‘n veearts rekening. Die kleingoed het elkeen ‘n kos pakkie vir die diere saamgebring en kon baie leer hoe om verantwoordelikheid te neem vir jou diere en te help sorg vir die wat afhanklik is van organisasies soos #Upington #FureverRescue & Adoption en Upington Toyota Knights.
More Articles …
