GEMSBOK-UPINGTON: Ter viering van Afrikaans se 100ste verjaarsdag, is die Redenaarsgroep van Hoërskool Duineveld op pad na Pretoria.
As een van die min Afrikaansmediumskole in die land, is Duineveld trots Afrikaans. ‘n Groep van 13 leerders en 3 onder-wysers vat op 7 Mei die pad na die Noorde om ‘n Redenaar Slypskool by die Voortrekker-monument by te woon. Dit word aangebied deur die Con Spirito Kunsvereniging.
Die groep gaan tuis by ATKV-Buffelspoort. Hulle gaan onder meer deur die oord stap om die natuurskoon, boomsoorte en voëlspesies daar te ervaar.
Kinders leer skaak speel
Gedurende die vakansie het een van Bloemsmond Primêre Skool se oud-leerders, Amber Boltman, skaaklesse by die skool kom aanbied. Dit was die eerste skaakles wat Amber kom aanbied het. Die skool wil skaak deel maak van hul buitemuurse aktiwiteite. Skaak is baie goed vir die ontwikkeling van ‘n kind se brein. Dit is net so belangrik soos sport, want terwyl sport ons fisies fiks hou, verrig skaak wondere vir kinders se geestelike spiere en sal dit vir spelers ‘n wêreld van strategie en vaardigheid oopmaak wat lekker, uitdagend en voordelig is.
Intermediêre Skool Frank Biggs vier hul 100ste verjaarsdag
GEMSBOK-LOUISVALE: Honderd jaar gelede het ouers in die Louisvale-omgewing ‘n skool begin bou op grond wat wyle mnr. Frank Biggs aan die gemeenskap geskenk het.
Op 31 Maart 1925 is ‘n ongebruikte gebou beskikbaar gestel en die eer-ste skoolkomitee is saamgestel.
Vandag, net meer as 100 jaar later, het die skool, onder leiding van die prinsipaal, mnr. Wally Cloete, die groot mylpaal gevier.
Tydens die vieringe, het mnr. PJ Mettler die gaste, ouers en leerders meer vertel van die geskiedenis van die skool.
Skoolhoofde van die laaste 100 jaar was wyle mnr. John May, CA Talliard, Nicolaas Zwart en Attie (AJ) van Wyk, wat die skool vanaf 1946 tot 1981 gedien het.
NK Onderwys betaal R100 miljoen aan skole
GEMSBOK-UPINGTON: Die Noord-Kaapse departement van onderwys het die afgelope week die beloofde R100 miljoen aan skole uitgedeel, om - soos in Feruarie beloof - dringende behoeftes binne die provinsiale skoolstelsel aan te spreek.
Die departement sê die uitbetalings is deel van hulle norme en standaardtoekennings.
“Hierdie fondse is toegeken vir noodsaaklike behoeftes, insluitend leer- en onderrigonder-steuningsmateriaal, munisipale dienste, spesiale skole, koshuissubsidies, sentrums vir vroeë kinderontwikkeling (VKO) en leerdervervoer,” verduidelik Geoffrey van der Merwe, woord-voerder van die departement.
Sy skuur skouers met modelle in New York
GEMSBOK-UPINGTON: Cleantha Koetzee, een van Dawerette Heyns se Modelskool, het vanjaar aan die New York Fashion Week (NYFW) deelgeneem.
Dit is een van die grootste geleenthede in die mo-debedryf, wat twee keer per jaar in Februarie en September gehou word. Ontwerpers van regoor die wêreld wys hul nuutste versamelings en lok modelle, bekendes en mode-entoesiaste van reg oor die wêreld.
"Show your talent" saam met "Runway Models Event" het modelle vir NYFW gekies en Cleantha is een van hulle. NYFW is 'n uitstekende platform om vars talent te ontdek, hierdie geleentheid maak baie deure oop vir modelle.
Tydens “Talent en Pageant America” het Cleantha verskeie titels, medaljes en trofeë gewen en sy is daar gekies vir hierdie lewens veranderde ervaring om by die New York Fashion Week modelwerk te gaan doen.
More Articles …
