GEMSBOK-NOENIEPUT: Rolspelers het ’n klag by die Suid-Afrikaanse Menseregtekommissie (SAMRK) ingedien ná ernstige kommer oor asbesbesmetting by die Laerskool Noenieput-gebou in die ZFM-distrik.
‘n Toesighoudende inspeksie wat laat verlede jaar gedoen is, het bevestig dat kwesbare inwoners in die gebied die gebou beset en ander stroop die skool van materiaal wat vir konstruksie gebruik kan word.
Hierdie strukture is met asbes besmet en hou ernstige gesondheidsbedreigings in vir die omliggende gemeenskap, veral diegene wat op die perseel woon en diegene wat die skoolinfrastruktuur plunder.
Alhoewel die gebou nie veilig is om as ‘n skool gebruik te word nie, is die versuim deur die onderwys- en paaie- en openbare werke-departemente om regstellende stappe te begin, kommerwekkend. Die gebou moet beveilig word om die verdere verspreiding van asbesbesmetting te keer.
Topline skool onveilig, sê ouers
GEMSBOK-TOPLINE: Die LUR van Onderwys in die Noord-Kaap, Zolile Monakali, het die Topline Intermediêre Skool in die ZF Mgcawu-distrik besoek, nadat die gemeenskap die skool gesluit en leerders toegang tot die skool geweier het.
Hulle het die verskuiwing van hierdie skool in die gemeenskap geëis.
Ouers het geweier dat hul kinders in “‘n onveilige hawe verkeer vir geleerdheid”.
Daar word aangedring dat ‘n nuwe skool in die woonbuurt gebou word, sodat die leerders veilig kan wees en nie elke dag die lang roete in die 39grade son hoef deur te maak nie.
Spanredenaars opleiding vir leerders
GEMSBOK-UPINGTON: Oppitongaf is ‘n bekende nasionale platform wat aan skoliere die geleentheid bied om hul sprekervaardighede te ontwikkel.
Daar word verskillende afdelings van openbare redevoering aangebied, naamlik verskillende tipes toesprake en spanredenaars.
Leerders kan in Engels en Afrikaans deelneem. In al die afdelings word provinsiale wenners aangewys, wat deurding na die nasionale finaal. Dit word gewoonlik by die Midstream College aangebied en is ‘n glansgeleentheid.
Vorster Venter, die dinamiese mede-eienaar van Oppitongaf, het op 25 Januarie 2024 ‘n spanredenaarskursus by Hoërskool Duineveld aangebied.
So lyk die Noord-Kaap se 2023 matriek uitslae
GEMSBOK-UPINGTON: Die Noord-Kaap het die laaste posisie, uit al die provinsies ingeneem met ‘n 75,8% matriek slaagsyfer.
Altesaam 183 642 antwoordstelle moes deur 930 nasieners, 82 hoofnasieners en 82 interne moderators by vier nasiensentrums in die provinsie nagesien word.
Die kwaliteitsversekeraar, Umalusi, het die resultate gesertifiseer.
Die Noord-Kaap het 13 032 voltydse kandidate vir die 2023 Nasionale Senior Sertifikaat-eksamen geregistreer.
Kleuters is reg vir skool
Die klassie van die !Omama Inheemse Nama Kultuurskool het ook vandag begin. Die hoof, Maggie Aly sê sy en haar spannetjie is reg vir die nuwe skooljaar. By haar staan klein Liam Basson en Elvimicia Beukes.
Woensdag begin al die skole in ons omgewing. Oral in die winkels is dit ‘n groot geskarrel om al die boeke en skryfbehoeftes aan te koop. Die Gemsbok wil graag foto’s plaas van leerders wat vandag vir die eerste keer skool toe gaan of “groot” skool toe gaan. Foto’s kan ge-stuur word aan
More Articles …
