GEMSBOK-UPINGTON: Geweld in skole, veral tussen leerders en onderwysers, het in ‘n ernstige pandemie ontaard.
Dit is die afgelope week weer duidelik gemaak, nadat ’n leerder (17) van die Hoërskool AJ Ferreira op Upington ’n onderwyser aangerand het, toe hy hom konfronteer omdat hy glo dagga op die skoolterrein gerook het.
Leon Biergaard, voorsitter van die skool se beheerliggaam, het aan die media gesê dat die situasie glo verer-ger het, toe die onderwyser die leerder na die skoolhoof se kantoor geneem het, wat daartoe gelei het dat die leerder die onderwyser in die gesig geslaan het.
Die onderwyser het beserings opgedoen, insluitend ’n beseerde vinger en sigbare merke aan sy lyf.
Kleinbegin Kleuterskool opgeknap
GEMSBOK-ONSEEPKANS: Die Onseepkans-gemeenskap het saam met die Kleinbegin Kleuterskool, die opknapping van die drie Vroeë Kinderontwikkeling (VKO) klaskamers, gevier.
Hierdie geleentheid het die merkwaardige impak van samewerking en vennootskap tussen ouers, jong kinders, versorgers, verteenwoordigers van die Departement van Basiese Onderwys en die vier plaaslike sonkragprojekte, beklemtoon.
Die sonkragprojekte het saam bygedra tot die befondsing van hierdie opgradering.
Die verbeterings is 'n nuwe hoofstuk vir die sentrum, wat nou 'n veiliger en meer stimulerende leeromgewing, vir die kinders bied. Hierdie geleentheid, het nie net die fisiese verbeterings aan die fasiliteite ge-vier nie, maar het ook 'n gedeelde verbintenis beklemtoon, om die potensiaal binne elke kind te koester.
VRL ontvang hul balkies
VRL-lede van die Intermediêre Skool Louisvale het onlangs hul balkies ontvang, wat geborg is deur mnr. Lesly van Wyk, van Van Wyk Transport Service. Op die foto staan, voor: Emihle Swartz, Refilwe Gulekane, Raymond Steenkamp en Marco Raats. Agter staan me. L. van Wyk, me. E. Esau( TLO), Keenan Jansen en mnr. J. Isaks (prinsipaal). Afwesig :Ceara Botha
Kolskoot vir Kalahari se Thys
Hoërskool Kalahari se Thys Fourie is nie net Nr 1 in die SANSSU BJI 2024 span nie, maar Thys skiet ook twee
rekords los tydens die SA’S! Hy is tans besig met voorbereidings vir die groot skiet kompetisie in Engeland.
NWU toerisme studente “ontdek” die Groen Kalahari
Een keer per jaar kan Noordwes-Universiteit (NWU) toerisme honeurs-studente van die Mahikeng kampus uitsien na ‘n toerisme toer, en hierdie jaar was Upington hulle eindbestemming.
Die doel van hierdie jaarlikse toer, volgens dr Walter Wessels, toerismedosent en programleier op die Mahikeng kampus, is om studente die geleentheid te gee om die toerismebedryf eerstehands te ervaar en nuwe industrie groei geleenthede raak te sien.
More Articles …
